Uviéu aprueba la convocatoria d’ayudes a proyectos de calter social con 125.000 euros

Uviéu aprueba la convocatoria d’ayudes a proyectos de calter social con 125.000 euros
19 mayu 09:24 2017 Imprimir

Uviéu vieno acabante aprobar la convocatoria d’ayudes a proyectos de calter social con 125.000 euros, pa los que Servicios Sociales va ufiertar formación específica a les entidaes solicitantes que, per primer vegada, tán obligaes a presentar el so proyectu telemáticamente

Los Servicios Sociales municipales, que dirixe la conceyala Marisa Ponga, peracabaron y aprobaron la convocatoria de d’ayudes a entidaes ensin ánimu d’arriquecimientu para’l desenvolvimientu de proyectos de calter social con una cuantía global de 125.000 euros. Tres la so publicación nel BOPA, que se va producir esta próxima selmana, les entidaes solicitantes van tener un mes de plazu para presentar el so proyectu.

Ésta ye la primera de les convocatories d’ayudes a proyectos con fin social que se realiza conforme al nuevu Plan Estratéxicu de Subvenciones, qu’apuesta pola concurrencia abierta y acaba coles subvenciones nominales. Les entidaes destinatarias d’esta convocatoria tienen la obligación llegal de rellacionase electrónicamente cola Alministración, na so condición de persones xurídiques.

Pa facilitar la so relación electrónica col Conceyu, na páxina web municipal va habilitase xuna ferramienta informático para la presentación de la solicitú y van realizase xunas xornaes informatives, tanto sobre’l conteníu de la convocatoria como sobre la tramitación electrónica. Les entidaes comenenciudes en recibir esta formación tendrán d’unviar un corréu electrónicu a la siguiente dirección: infossocoviedo.es.

Van Ser oxetu de subvención los proyectos y actividaes de prevención, promoción, información y sensibilización social empobinaos a facilitar l’atención social a persones que s’atopen nuna situación de desigualdá social y/o en riesgu d’esclusión social, según el sofitu a les sos families y otros proyectos empobinaos específicamente a colectivos de muyeres y xuveniles. Los programes a desenvolver pueden tar rellacionaos con temátiques diverses, baltes como:

– Programes para la infancia, adolescencia, families y colectivos de muyeres (actividaes tanto de promoción como preventives y d’insertamientu)
– Programes para les persones con discapacidá y/o problemes socio-sanitarios (Actividaes para favorecer la integración social, l’autonomía personal. Actividaes rellacionaes cola educación  y promoción de la salú, el bienestar y la calidá de vida)
– Programes para la promoción y sofitu d’otros colectivos en situación de desigualdá social (Actividaes d’información, sofitu y acoyida d’inmigrantes, abelugaos, víctimes  de violencia de xéneru y acciones de prevención de la marxinación ya insertamientu sociolaboral de persones en situación d’esclusión social
– Programes que contribuyan a fomentar valores igualitarios, la coeducación, la corresponsabilidad y l’igualdá d’oportunidaes.
– Acciones de sensibilización y/o formación contra la violencia de xéneru, el racismu, la xenofobia, la intolerancia y la marxinación.
– Iniciatives de fomentu del voluntariáu social rellacionáu colos programes oxeto de la convocatoria.
– Proyectos y actividaes desenvueltos pola iniciativa social que complementen les actuaciones públiques a nivel local en materia d’Igualdá d’Oportunidaes.

  Categories: