Portada Conceyos Uviéu anuncia l’apertura d’otres trés escueles infantiles pal miércoles

Uviéu anuncia l’apertura d’otres trés escueles infantiles pal miércoles

by redacción asturnews

En recibiendo mientres la tarde del sábadu les resultancies de tests de delles escueles infantiles per parte del Principáu, el Conceyu d’Uviéu anuncia l’apertura d’otres trés escueles infantiles antes d’esti miércoles.

Tratase de les escueles de Montenuño, cerca del HUCA, Cualloto y La Corredoria, que se sumen a les dos yá anunciaes ayeri de los siete qu’hai n’Uviéu. La conceyala d’Educación, Yolanda Vidal, aseguró que “dende’l Conceyu d’Uviéu repitimos una vegada más nueses sides a los padres y madres que cuntaben con poder llevar a los sos fíos esti llunes 14 a les escueles de 0 a 3, como yera nuesa intención. Pero repitimos que lo primero ye la seguridá de families y personal de los centros, y hasta que’l Principáu nun completara los PCRs de tol personal de cada escuela nun pudimos anunciar l’apertura na fecha que teníamos previstu”.

Dende la conceyalía informen de que queda entá pindio que’l Principáu remate les pruebes PCR y comunique les resultancies na escuela de la Florida y en Rubín, daqué que s’envalora pueda completase pa finales de la selmana que vien.

Tamién te podria gustar