Portada Cine Uviéu amuesa’l so sofitu a la película Tristesse, “na qu’Uviéu ye la protagonista”

Uviéu amuesa’l so sofitu a la película Tristesse, “na qu’Uviéu ye la protagonista”

by redacción asturnews

El Acalde d’Uviéu, Alfredo Canteli asistió la fin de selmana na plaza de Trascorrales, a la presentación del cartelu de la película “Tristesse”, dirixida por Emilio Ruiz Barrachina, protagonizada por Enrique Simón y producida pol uvieín Miguel García “Miguelo”. Tamién quixo amosar el sofitu del Conceyu a esta producción el conceyal de Cultura, José Luis Costillas.

El primer conceyal estimó a ‘Miguelo’, el productor de Tristesse, “el llabor que lleva faciendo munchos años pela ciudá. Ye un  bon actor y creo que la película va ser un ésitu porque si lo ye para él, va ser para Uviéu. Gracies pola promoción que fixisti de la nuesa ciudá nesti momentu tan difícil, tan delicáu”. A xuiciu de Canteli, na capital  “tamos muncho meyor que los demás pero tenemos que siguir lluchando. Los uvieinos demostraron la so responsabilidá y el so comportamientu exemplar, con cifres bien inferiores a la media rexonal y ende tán los datos. Yo defendo’l nuesu comerciu, el de proximidá, y la nuesa hostelería. La situación pos d’Uviéu ye distinta a la de Xixón y el tratamientu debería de ser distintu”.

Costillas tamién quixo evidenciar el sofitu municipal a la película, “que ta previsto que s’estrene’l 4 d’avientu nel Teatru Filarmónica. Tenemos muncha ilusión por entamar xuntos esta aventura y si les condiciones sanitaries dexar, asina lo fadremos. Tuvimos qu’aplazar 16 actividaes no que teníamos previstu como la nuesa seronda cultural, una ufierta cultural bien importantes, unes intentaránse aplazar y a otres darémos-yos otros formatos distintos porque creemos que la Cultura ye segura”.

Pa ‘Miguelo’, la película ‘Tristesse’ ye la so “primer esperiencia en producción. Foi bien difícil, llegó la pandemia y tuvimos que camudar tou, inclusive’l guion. Tuvimos munches baxes d’actores y actrices, cambeos de localización… magar atopamos con munches facilidaes per parte del Conceyu d’Uviéu y el de Salas. La película creo que va sosprender muncho porque ye Uviéu, la ciudá, la protagonista de la película, que yá foi escoyida pa dellos festivales internacionales”. Respetu al guion, adelantró, “ye la hestoria d’un productor que s’atopa nun momentu difícil”. El pre estreno “ta previstu pal 4 d’avientu nel Teatru Filarmónica y va haber una gran presentación en Madrid el 21 de xineru, nel cine Capitol, pa tol mundu vea Uviéu y otres les localizaciones, toes n’Asturies”
El director de Trsitesse, Barrachina, aseguró que la cinta “yá tien nominación nel prestixosu Festival de Chicago, n’abril de 2021 y yá pasemos dellos filtros pa otros certames internacional y nacional”.

Tamién te podria gustar