Uviéu amonta’l presupuestu destináu a beques, educadores infantiles y conciliación

Uviéu amonta’l presupuestu destináu a beques, educadores infantiles y conciliación
13 xineru 09:51 2022 Imprimir

La conceyalía d’Educación va cuntar col mayor presupuestu de la hestoria pa beques y escueles infantiles, sigún el gobiernu popular, con una medría de casi 90.000 euros nel casu de les ayudes escolares y de más de 600.000 para el educadores  de les  escueles  de 0 a 3. 

La conceyalía empobinada por Lourdes García va destinar en total 3 millones 836.000 euros a beques escolares, casi 90.000 euros más que nel presupuestu de 2020. Esta conceyalía amonta de manera señalada les partíes dedicaes al personal de les Escueles Infantiles, qu’ampliaron a xornada completa a el educadores de los centros educativos. Tamién se va amontar en daqué más de 94.000 euros les partíes pa vestuariu y moblame de les escueles infantiles. Amás, ye destacable l’aumentu del presupuestu de la conceyalía d’Educación  al respective de actividaes complementaries, un presupuestu que crez en 135.000  euros  para complementaries, programes de conciliación familiar y l’Universidá Popular. Respectu a la área de Biblioteques, el presupuestu esperimenta una crecedera de casi 90.000 euros para personal y gastos.

Nel capítulu d’inversiones n’Educación, va destinase 326.0000 euros a la construcción del comedor nel parvulario infantil de Ventanielles, partida a la qu’hai qu’añedir una reserva de 323.000 euros del remanente. Amás, contémplense 142.000 euros con cargu al remanente para la cubierta del colexu La Xesta, 242.000 euros para la renovación del pavimentu de la Escuela Infantil  de La Florida y  casi 200.000  euros para reparar les cubiertes de los colexos  Lorenzo Novo Mier, Escueles Blanques y el Germán Fernández Ramos.

 

  Categories: