Uviéu alxudica la impermeabilización de la Plaza los Ferroviarios

Uviéu alxudica la impermeabilización de la Plaza los Ferroviarios
27 xunetu 11:56 2018 Imprimir

La Xunta de Gobiernu del Conceyu d’Uviéu aprobó esta selmana l’alxudicación del contratu de les obres de impermeabilización y urbanización de la Plaza de los Ferroviarios por un importe de 1.331.025  euros y un plazu d’execución de cuatro meses.

La conceyalía d’Infraestructures y Servicios Básicos, que dirixe la conceyala Ana Rivas, va encetar con esta obra una ambiciosa reforma de la plaza de la Llosa de Renfe. Ente otres actuaciones, contémplase la supresión de faroles y de la fonte central  coles mires d’evitar futures filtraciones a la estación de ferrocarril.

Ana Rivas considera qu’esti proyectu ye una de les pieces clave nes infraestructures, yá que afecta a un espaciu fundamental, que cubre la estación de Renfe y Feve, con 10.300 metros cuadraos y construyíu en 1997. Xuna de les causes del deterioru de la plaza ye l’usu intensivu y los consiguientes daños causaos a la estructura por perforaciones.

El llume va concentrase nuna torre de 12 metros d’altor, con 18 focos, que se va allugar nel llugar onde anguaño ta la fonte, y va instalase una zona axardinada. Dolce de les lluminaries van dir sobro una corona asitiada al mayor altor y van tener 200 vatios de potencia. Otres seis van instalar por debaxo y van cuntar con 50 vatios de potencia caúna.

Amás, va dase la impermeabilización de la llosa por aciu una membrana de poliuretano con “elevada resistencia química y resistente a la abrasión” pa protexer la estructura de la cubierta de la estación del Norte. Les obres preven tamién modificar la tipoloxía del pavimentu, sustituyéndolo por unu flexible y esaniciar posibles puntos d’entrada d’agua, embriviendo’l númberu d’arquetes.

  Categories: