Uviéu algama un prealcuerdu con EDP pa mercar la Fábrica de Gas

El conceyal d’Urbanismu, Ignacio Fernández del Pandorial, fizo anuncia la selmana pasada de qu’Uviéu vieno acabante algamar un prealcuerdu con EDP pa mercar la Fábrica de Gas y que se van destinar 4,5 millones d’euros a adquirir los casi 13 mil metros cuadraos d’esti patrimoniu industrial fundamental d’Uviéu.

El conceyal d’Urbanismu, Ignacio Fernández del Pando, dixo que’l Conceyu d’Uviéu va adquirir, por 4,5 millones d’euros, la Fábrica de Gas, “una parte fundamental del patrimoniu históricu d’Uviéu”. Según esplicó, “el Plan Portela namái otorgaba al Conceyu’l  10% de los aprovechamientos, el mínimu establecíu legalmente. Al poco d’entrar nel gobiernu axuntamos con EDP para amosa-yos nuesa intención de mercar el 90% restante. Lóxicamente esto causó sorpresa per  parte de los responsables de la empresa y l’entamu del procesu de negociación”.

Del Pando indicó tamién que s’algamó esti prealcuerdu, “que ta abaláu por informes municipales”, tres d’una ufierta realizada pola empresa “qu’establez el preciu de 4,5 millones d’euros” per trés esquiñones: la de la fábrica y otros dos amiestes: de 200 y 400 metros cuadraos respectivamente. “En total falamos de 13 mil metros cuadraos de patrimoniu industrial de gran riqueza nel mesmu corazón d’Uviéu”.

Según detalló’l conceyal, el prealcuerdu “consiste nel pagu de la cuantía per parte del Conceyu, quedándose ésti tolos aprovechamientos. Quedaría per parte de la empresa les cargues de recuperación voluntaria del suelu (la descontaminación) y la execución de la estación de regulación y media de suministru eléctricu.