Uviéu acueye les III Xornaes de les Persones ensin Llar: Sinhogarismo y Salú Mental

Uviéu acueye les III Xornaes de les Persones ensin Llar: Sinhogarismo y Salú Mental
27 09:45 2018 Imprimir

El Palaciu de Congresos d’Uviéu acueye esti martes, día 28, ponencies, una esposición artística, la representación de la obra de teatru ‘Amor Llocu, llocu amor’ y la presentación del vídeu “Pronoia” ente les munches actividaes que conformen les III Xornaes de les Persones ensin Llar: Sinhogarismo y Salú Mental.

Uviéu celebra’l martes, 28 de payares, nel Palaciu d’Esposiciones y Congresos, les III Xornaes de les Persones ensin Llar: Sinhogarismo y Salú Mental. La presentación, a les 16 hores, va correr al cargu de la conceyala d’Atención a les Persones ya Igualdá, Marisa Ponga y del presidente de l’Asociación Albéniz, Javier Vicente Caneal. A les 16.15 ta prevista la charra del psicólogu sanitariu, Pablo Ponte Baldomar, coordinador del programa de la Fundación Siloé y de siguío, la del psiquiatra Guillermo Rendueles sobro “Bones práctiques na atención a les persones ensin llar”.

La xornada va incluyir, a partir de les 17.50 hores, una charra al cargu de Cristina Calviño, Xefa de sección de Servicios Sociales, Migración ya Igualdá del Conceyu d’Uviéu y miembru del equipu de coordinación socio sanitaria de la área IV del Principáu. A les 18.05 hores ta previstu’l visionado y presentación del vídeu “Pronoia” de l’Asociación Luar. Les imaxes son la resultancia d’una esperiencia na que les persones con problemes de salú mental en situación d’ensin llar comparten les sos opiniones y sentimientos sobro la sanidá, la vivienda, l’empléu o los recursos sociales.

El grupu de teatru Nova, compuestu por pacientes crónicos de salú mental, tamién  va presentar la obra de teatru “Amor Llocu, llocu Amor”, la so décima creación, sobro una hestoria d’amor dientro d’un dispositivu psiquiátricu, reflexando los sentimientos y ciños vivíos polos/ les pacientes y lo qu’estos-yos provoquen a ellos/elles y a la so redolada. Pa la xornada utilizará’l hashtag UnDiaMasTengoHogar, creáu va años poles persones usuaries del albergue Cano Mata, y los asistentes van poder intercambiar emociones, idees o propuestes que van colgar nun árbol de les emociones. Tamién se va colgar parte de la obra pictórica “Cómo ves nel futuru” (2016) y parte de la obra fotográfica “Esperanza y Soledá con nomes de muyer” (2017), dambes amueses realizaes por homes y muyeres que s’atopaben neses feches ensin llar.

La entrada ye llibre y va acreditase l’asistencia a persones que la soliciten, al traviés de formularios disponibles en recepción.

  Categories: