Uviéu acoyerá’l Congresu Nacional de Hotelería nel mes de payares

Uviéu acoyerá’l Congresu Nacional de Hotelería nel mes de payares
26 xineru 10:06 2020 Imprimir

Fitur, la feria de turismu na que’l Conceyu d’Uviéu foi unu de los grandes protagonistes, dexó otra importante noticia pa la ciudá, al anunciase qu’Uviéu va ser see, el próximu mes de payares, del Congresu Nacional de Hotelería, la cita más importante del sector y que va axuntar na capital del Principáu d’Asturies a mediu millar de profesionales.

Otea, hostelería y turismu n’Asturies, foi la gran valedora por que esti congresu se celebrase n’Uviéu, faciendo bona la iniciativa impulsada pol Conceyu. Tamién contribuyó a esti ésitu la fuerza de les asociaciones empresariales Turístiques de la Fuerza del Norte (asociaciones d’hostelería y turismu de Santiago de Compostela, La Coruña, Llugo, Cantabria, Vizcaya y Guipúzcoa) xuníes en redol a una candidatura que trai al Norte esti certame hoteleru. El frente común de les asociaciones de la España Verde supunxo un importante emburrión pa tomar de la decisión final.

La Confederación Española d’Hoteles y Apartamentos Turísticos (CEHAT) decidió na xunta del so órganu directivu, aprobar la propuesta d’Uviéu. La ciudá resultó escoyida al considerar que cumple colos requisitos en places hoteleres, tamañu, etc. Facer per delantre de candidatures relevantes, como Madrid y Granada.

El congresu, que se celebra cada dos años, va enllargar mientres trés xornaes, y va sirvir de puntu d’alcuentru pa encetar los retos del sector hoteleru n’España.

  Categories: