Portada Lliteratura Universos presenta esti xueves un nuevu poemariu d’Elías Veiga

Universos presenta esti xueves un nuevu poemariu d’Elías Veiga

by asturnet

Esti xueves 11 d’Avientu, nel Club de Prensa de La Nueva España y a partir de les 19 hores, la Editorial Universis va presentar “Robinson Astur”, la segunda entrega poética en volume d’Elías Veiga: “un poemariu posáu, maduru, nel que l’autor reflexona sobre l’aventura cotidiana del vivir y ufierta una mirada sobre los desengaños y naufraxos nos que queden los suaños”.

Na presentación van participar amás del propiu autor. el tamién escritor Xuan Santori y José Angel Gayol.

La poesía d’Elías Veiga ye una poesía moderna, a vegaes cruda, siempre reveladora y según l’aturo, “esti poemariu ta concebíu como un viaxe pola memoria del autor, poles sos condenes, les sos cayíes y l’alcordanza de tiempos que non siempre foron meyores”.

Elías Veiga ye collaborador de revistes como Lliteratura y Lletres Asturianes. Dase a conocer na poesía asturiana col volume La tierra fonda (Trabe, 2004). D’entós p’acá’l llabor poéticu desendolcáu vien siendo una referencia que se plasma na so inclusión n’antoloxíes como Palabres clares, Escritores en Llanes, Na boca de todos, o Al aldu.

Tamién te podria gustar