Portada Convocatories Uniovi convoca’l III Concursu de Fotografía col Móvil

Uniovi convoca’l III Concursu de Fotografía col Móvil

by redacción asturnews
Paraninfu de la Universidá d'Uviñeu

El plazu pa participar na tercer edición del Concursu de Fotografía col Móvil qu’entama la Universidá d’Uviéu va permanecer abiertu hasta’l día 17 de mayu de 2016. El concursu va tener dos especialidaes con premios de 300, 200 y 100 euros.

Los interesaos van haber d’unviar les sos fotografíes, por aciu el procedimientu y xuntu cola documentación que s’indica nes bases, a comunicauniovi.es. La tema ye la Universidá d’Uviéu, la so actividá y los sos espacios, en dos modalidaes: “Vida universitaria (estudiu, docencia, investigación, convivencia y ociu nel ámbitu universitariu)”; y “Edificios, naturaleza y paisaxe de la redolada universitaria necesariamente reconocibles como tal”. Pa caúna d’elles establecen trés premios de 300, 200 y 100 euros.

El concursu, empobináu pola institución universitaria con cuenta de potenciar l’usu de les nueves tecnoloxíes, desenvolver la creatividá nel campu de la imaxe y aguiyar la capacidá d’observación de la redolada, ta destináu a tolos miembros de la comunidá universitaria (estudiantes, PDI y PAS). Cada participante va poder presentar una única semeya, realizada dende’l so teléfonu móvil y na categoría que considere oportunu.

Les bases completes puen consultase na web de Uniovi.

 

Tamién te podria gustar