Sociedá Unión Asturianista presentó oficialmente a Sergio Marqués como candidatu a la presidencia d’Asturies by asturnet 4 d'avientu, 2006 written by asturnet 4 d'avientu, 2006 19 La coalición ente la Unión Renovadora Asturiana y el Partíu Asturiana presentó esti sábadu a Sergio Marqués, expresidente d’Asturies, y a Xuan Xosé Sánchez Vicente, exdiputáu de la Xunta Xeneral, como cabeces de llista d’Unión Asturianista. Unión Asturinista ye’l resultáu de les conversaciones, y tiempu de trabayu conxuntu, de los dos partíos del centru-derecha asturianista. Nés últimes elecciones autonómiques, mayu de 2003, la Unión Renovadora Asturiana algamó 15,621 votos y el Partíu Asturianista 8,823 votos, nun algamando nenguna de les dos fuerces la representación parlamentaria. La Unión Renovadora Asturiana ye’l partíu creáu por Sergio Marqués depués de la salida de Sergio Marqués del Partíu Popular, por diferencies de criteriu. Nes elecciones de 1999 algamó tres diputaos autonómicos y 83 conceyales. En 2003, última convocatoria autonómica, URAS algamó 17,162 votos, perdiendo tolos sos diputaos y el númberu de representantes nes cases conceyu baxó hasta los 29 conceyales que tien actualmente. El Partíu Asturianista, presidíu por Xuan Xosé Sánchez Vicente creóse en 1985 cola fin de reformar l’Estatutu d’Autonomía pa qu’Asturies fuere reconocida como nacionalidá histórica y la llingua asturiana declarada oficial, asina como equiparar el nivel competencial al de les comunidaes del artículu 151 de la Constitución española. En 1991 el PAS presentóse xunta la UNA (Unidá Nacionalista Astur) algamando d’esti pactu’l primer diputáu asturianista, y seyes conceyales en cinco conceyos. En 1995, amás de mantener l’escañu de Xuán Xosé Sánchez Vicente, el PAS frutu d’un pactu col PP algamaría l’alcaldía del conceyu de Nava. Nes elecciones de 1999 el PAS perdió’l so representante na Xunta Xeneral. 0 FacebookTwitterPinterestEmail Anterior Izquierda Asturiana calificó’l conceyu del alcalde de Mieres con Ramón d’Andrés y Xuan Bello de “tomadura de pelo y llaváu de cara ente les prósimes elecciones” siguiente Palmarés del 44 Festival Internacional de Cine de Xixón Tamién te podria gustar Iniciativa pol Asturianu y Barbón desixen a Adif... Iniciativa reclama un mandatu marcu na RTPA Payares acueye les XLI Xornaes Internacionales d’Estudiu de... L’Atles llingüísticu del Navia-Eo ponse n’accesu llibre Aína entama’l cursu políticu con un actu n’Uviéu La Delegación asturiana en Lorient protagoniza la xornada... La UABRA aporta a la segunda selmana d’actividaes 4200 firmes sofiten la música n’asturianu en XIxón Blanca Fernández foi la pregonera de la XXVII... L’ALLA abre’l plazu pa los cursos de la...