Unidá Nacionalista Asturiana (UNA) estrena executiva a la gueta d’un “espaciu políticu asturianu referencial”

08 marzu 11:47 2010 Imprimir

La formación UNA celebró esta fin de selmana pasada’l so segundu Congresu, aprobando la ponencia d’estatutos, na se qu’introducieron delles cuestiones nueves. Aprobáronse tamién les llínies polítiques y estratéxiques “que tien de siguir la organización hasta l’añu 2011”.

Nel Congresu y na ponencia aprobada spresóse la necesidá urxente d’inxertar nel panorama políticu asturianu “una fuercia propia que sía a algamar influencia social y electoral” lo qu’UNA denoma “espaciu políticu asturianu que pueda ser referencial pa tolos asturianos y asturianes que piensen en clave nacionalista y asturianista, que busquen una alternativa d’esquierdes al binomiu PSOE-IX”.

La executiva nueva d’UNA ta formada por Belarmino López d’UNA-Mocedá, Faustino Zapico, voceru; Miguel Ánxel Díaz, coordinador; Roberto Holgado, secretariu d’organización, amás de repitir Tino Fernández, Yolando G. Huergo y Daniel Fernández.

  Categories:
Loading Facebook Comments ...