Portada Política Una Web pola Xuntaza del nacionalismu asturianu

Una Web pola Xuntaza del nacionalismu asturianu

by asturnet

Una web qu’acaba arrancar sofita un intentu ciudadanu d’algamar la xunidá del tol nacionalismu asturianu d’izquierdes, entamando pola xuntanza d’UNAy Andecha.

Sigún se diz na presentación de la web “anque ye bien cierto que nin UNA nin ANDECHA ASTUR son los únicos partíos nacionalistes d’izquierdes, camentamos que la xunidá ha de pasar pel entendimientu y xuntanza, nun primer momentu, d’estos dos partíos, másimos exponentes d’ello”.

La situación anguaño n’Asturies ye llaceriosa, poro, esta páxina naz col enfotu d’algamar esa xuntura, “de facer pensar a los integrantes d’ambes formaciones pa que dexen de llau les sos diferencies (más bien pequeñes no que cinca a lo político) y faigan una xuntanza de fuercies. Namás asina podrá Asturies cuntar con una formación nacionalista de pesu”.

Pa ello, esta web ye una manera d’amosar toles anuncies sobre UNA y ANDECHA ASTUR qu’apaecen na prensa dixital o llugares d’información afayadizos. Albidramos que ye una manera de facer ver que les xeres d’estes formaciones polítiques tan lloñe de ser estremaes y que bien pueden facer camín n’andecha.

Pola Xuntanza

Tamién te podria gustar