UNA ve nel autu del TC un “pasu nel reconocimientu de los drechos llingüísticos de los asturianos”

09 marzu 11:47 2010 Imprimir

Unidá Nacionalista Asturiana declaró güei al traviés de la so páxina web “que l’Autu del Tribunal Constitucional constitúi un pasu nel reconocimientu de los drechos llingüísticos de tola ciudadanía asturiana”, y nagua porque esti pronunciamientu suponga “un cambiu nel tratamientu que, dende los poderes públicos, tán dando a la llingua asturiana y a los sos falantes”.

UNA llamentó tamién “qu’esti reconocimientu tenga de venir, curiosa y paradóxicamente, dende fuera d’Asturies”, lo que pa la formación “ye un nuevu síntoma del deficiente y noxante tratamientu que vien sufriendo la llingua asturiana per parte de los poderes públicos”.

Unidá Nacionalista Asturiana considera qu’esti autu “ye una prueba más de la necesidá d’una reconocencia oficial de la llingua asturiana nel Estatutu d’Autonomía, dándo-y asina l’únicu estatus xurídicu que merez”.

  Categories:
Loading Facebook Comments ...