Una película tien que ser reeditada por ser enforma terrorífica

08 08:41 2018 Imprimir

Una de les películes de terror más esperaes de cara al próximu añu llámase The prodigy. La cinta empobinada por Nicholas McCarthy saltó a la lluz estos díes por cuenta de que tuvo que ser reeditada y montada de nuevu porque yera especialmente apavoriante.

Según el realizador, especializáu en filmes del xéneru como Home o El pactu, nes proyecciones previes al estrenu los  espectadores nun podíen dexar de glayar. “La primer vegada que proxectamos la película, había una sección en que la xente glayaba tan alto que tuvimos que volver y reeditar la escena siguiente, porque la xente siguía recuperándose de lo qu’habíen vistu y tábense perdiendo’l diálogu”, declaró para’l mediu Entertaintment Weekly.

En The prodigy, la protagonista de l’aclamada serie Orange is the new black, Taylor Schilling, interpreta a una muyer llamada Sarah qu’empieza a detectar un comportamientu bien estrañu nel so fíu, como si tuviera teníu por fuerces sobrenaturales.c“Va cuatro años unviáronme’l guion de la película. Mientres la primer metá, pensaba ‘esto ye interesante, apavoriante y una variación retorcigañada del subxéneru del neñu malváu” comentó’l director. Pero depués el guion xira de manera que nun me lo esperaba. Eso fíxome camudar de pensar que yera una película que podía ser bona, a la película que tenía que faer”.

La película, distribuyida por Orion pictures, nun va llegar a les sales españoles hasta febreru de 2019.

  Categories: