Portada Escéniques Una obra de teatru recrea la vida de la escritora Tuxa Villaverde (1882-1934)

Una obra de teatru recrea la vida de la escritora Tuxa Villaverde (1882-1934)

by asturnet

Pa esti martes, 6 de xunetu, a les 22:00 nel teatru Riera, ta previstu l’estrenu de la obra teatral Tuxa, promovida pol Serviciu de Normalización llingüística de la Comarca de la Sidra, cola ayuda de la Conseyería de Cultura y Turismu.

La obra ye un repasu de la vida y obra de la escritora maliayesa Tuxa Villaverde (Tornón 1882-1934), personalidá que s’intenta recuperar. Dirixida por Jose Luis Campa, la pieza inclúi fragmentos de la propia obra de Tuxa, combinaos con partes biográfiques, con testos adaptaos y ellaboraos por autores de la talla de Lluis Portal (que yá escribió una obra asemeyada sobre la figura del escritor Carlos García de la Concha), Miguel González Pereda o Etelvino González López.

Mui trabayada n’escenografía y na interpretación (pa la que se cunta cola presencia de miembros del Grupu de Teatru Carbayín), Tuxa ye una muestra más de como’l teatru n’asturianu pue algamar altos niveles estéticos fuxendo de los tópicos costumistes tradicionales.

Tamién te podria gustar