Portada Europa Una nueva obra de Banksy rinde homenaxe a la sanidá

Una nueva obra de Banksy rinde homenaxe a la sanidá

by redacción asturnews

Una nueva obra del polémicu artista Banksy rinde homenaxe a los y les sanitaries que lluchen contra’l coronavirus en tol mundu.

Una nueva obra de Banksy apaeció nel Southampton Xeneral Hospital, en Reinu Uníu. Tratase d’un cuadru en blancu y negru nel qu’apaez un neñu al pie de una cesta nes qu’hai dellos moñecos de superhéroes. Nes sos manos, sostien una muñeca que representa a una enfermera y que lleva una capa, unu mázcaru y una cruz colorada. Tratar del homenaxe que fixo l’artista a los profesionales sanitarios que lluchen día ente día contra’l coronavirus.

Mide un metro por un metro y foi instaláu nuna de les parés del hospital que tán na zona d’urxencies. Xuntu al cuadru l’artista tamién dexó una nota: “gracies per tolo que táis faciendo. Espero qu’esto allume un pocu esti llugar, magar que sía en blancu y negru”.

El cuadru va permanecer colgáu nel hospital hasta seronda, cuando va ser puyáu para recaldar fondos para’l sistema de salú de Reinu Uníu. “El nuesu hospital recibió l’impactu directu del virus cola muerte de dellos emplegaos bien queríos d’esti centru”, esplicaba a la BBC Paula Head, CEO del hospital.

Tamién te podria gustar