Lliteratura Una novela d’una sola frase gana un premiu de 100.000 euros by redacción asturnews 18 de xunu, 2018 written by redacción asturnews 18 de xunu, 2018 31 Mike McCormack nun sale del so plasmu porque con una novela d’una sola frase vieno acabante ganar un premiu de 100.000 euros, el que tien el premiu internacional Dublín, enantes conocíu como Impac. L’escritor acaba de ganar el premiu lliterariu internacional de Dublín pola so novela Solar Bones, un galardón de lo más prestixosu nel mundu editorial qu’otorga al so vencedor nada menos que 100.000 euros. Con unes cifres y una reconocencia de tal calibre, sería habitual que l’autor tuviera devasáu. Sicasí, la so sorpresa vendría por otra cuestión: la so novela namái tien una frase. El so optimismu nun ye la meyor de les sos baces. Yá lo diz na so propia páxina de Wikipedia, qu’asegura que l’escritor ye una persona “desgraciadamente desdexada”, una calificación cola qu’él mesmu se describió va unos años. Una característica que nun-y fixo descentrarse del so camín nes lletres. Sicasí, reconoció al diariu británicu The Guardian que quedó “impactáu” en conociendo’l veredictu. “Arrenunciara dafechu a la esperanza de ganalo”. El premiu lliterariu internacional de Dublín, enantes conocíu como Impac, escoyenlu bibliotecarios de tol mundu. Son ellos los que faen una selección y deciden a qu’autor bendicen cada añu. Nesta última edición, los xueces aclamaron el llibru de McCormack como “formalmente ambiciosu, estilísticamente desacobardáu y con espíritu llingüísticu”. Nun crean los futuros llectores que se trata d’una oración cualesquier, pos flúi en más de 270 páxines. Los xueces vieron nesta frase una gran dificultá pa componela “ensin que pierda la so esencia y ensin que nun vengan ganes de siguir dev orando páxines”. D’ende, la so reconocencia. Amás, la hestoria toma una sola xornada: el Día de Tolos Santos, cuando, según la superstición, los muertos pueden tornar a la tierra de los vivos. La hestoria narrala Marcus Conway, maríu, padre, inxenieru civil y, tamién, una pantasma (nel so sentíu más lliteral). 0 FacebookTwitterPinterestEmail Anterior Sesiones Abiertes del Google Launchap Asturies y Demo Day siguiente El Conseyu d’Infancia y Adolescencia d’Avilés realizó 29 acciones mientres esti cursu Tamién te podria gustar Payares acueye les XLI Xornaes Internacionales d’Estudiu de... La llangreana Beatriz Quintana gana’l premiu de narrativa... “Misteriu nel Soterrañu” algama’l premiu Alfonso Iglesias de... Tapia acueye la presentación del II Premiu «Quiastolita»... Falláu’l Concursu de Microrrelatos “Día del Llibru” d’Avilés Xixón yá tien los meyores cuentos d’escolares con... Alcuentru con Oliva García en XIxón Llectura siguida del Quixote en Xixón Preséntase’l llibru “Estampes d’Asturies” de Manuel Maurín Álvarez Sonia Uría gana’l concursu lliterariu ‘Ensin muyeres, nun...