Una ministra y la oficialidá como exes d’un Día de les Lletres que marca un nuevu camín

Una ministra y la oficialidá como exes d’un Día de les Lletres que marca un nuevu camín
04 mayu 16:57 2019 Imprimir

Como cada primer vienres de mayu el Día de Les Lletres tenía esti añu novedaes que lu camudaron otra vuelta nel finxu d’un procesu que paez remocicar de la mano de la sociedá civil, que ve más posibilidaes n’algamar la Oficialidá cola incorporación de la FSA al grupu les fuercies polítiques que sofiten esi pasu constitucional llargamente torgáu y que llevó esti añu per primer vegada a una ministra al 40 Dia de les Lletres asturianes.

Per primera vegada una ministra del Gobierno central, la socialista María Luis Carcedo, asistió nel Teatru Campoamor al actu institucional de la Academia de la Llingua con motivo del 40 Día de les Lletres Asturianes. Pero nun foi la única política presente. Juan Vázquez, candidatu de Ciudadanos a la presidencia d’Asturies, la diputada de Podemos Sofía Castañón o la candidata d’IU a l’alcaldía d’Uviéu Concha

El presidente de l’Academia de la Llingua asturiana, Xosé Antón González Riaño, enfotose en dexalo bien a les clases nel so un discursu tan sociocultural como políticu esta vegada, que mira más pal futuru pero ensin escaecer el presente, que mira a lo académico y a lo emotivo col mesmu enfotu, como amosaron tamién los discursos emotivu y poéticu unu, académicu y afitáu nel tarrén científicu l’otru.

“Nun tamos nesto por intereses, nin por ambición, nin por perres. Tamos nesto por amor. Y l’amor siempre gana”, dixo no postrero del so emotivu discursu’l primeru de los dos nuevos académicos correspondientes Pablo Texón. El poeta y profesor de secundaria quiso dexar bien a les clares so apueste emocional pola llingua qu’encadarma la so vida dende l’allerán pueblu de Felechosa. Y fízolo sobremanera faciendo alcordanza y cuntando per primera vegada en públicu les pallabres coles que dexó esti mundu so güelu y qu’elli pronució:_ “Oye Güilu, voi estudiar asturiano”. Ente la emoción y el nerviosismu repasó so pasui pela Academia dela Llingua como becariu y enllenó de pesía los sos poco más de cinco minutos de discursu.

Pela so parte, Alberto F. Costales amosó nel so discursu como académicu correspondiente’l so perfil universitariu: “la llingua interésa-y a tol mundu, ensin importar lo que caún fale”. Y dixo tamién una verdá científica dende hai tiempu que paez qu’Asturies nun quier entender, que  “l’asturianu favorez l’aprendizaxe d’otres llingües”.

Tres de recibir a los nuevos académicos, el presidente dela institución, Xosé Antón González Riaño, fizo una alcordanza nel so discursu de que nun yera la priesa la qu’impulsaba la petición d’oficialidá, porque ya diben 40 años que nun se cumpliere equí la Constitución como se cumple en Navarra, Galica, el País Vascu, Catalunya,. Valencia o’l Valle d’Arán. Y de que’l so discursu d’esti añu yera especialmente importante porque se cumplía la edición número cuarenta de les Lletres, porque por primera vegada tenía llugar nuna ciudá qu’oficialmente se denominaba Uviéu, pero sobremanera por la proximidá d’unos comicios autonómicos de los que podría salir la mayoría necesaria pa llograr el mesmu rango llegal que los otros idiomas del Estado: «Güei ye’l 40 Día de les Lletres Asturianes. Dacuando dízsenos que na vindicación de los derechos llingüísticos de los asturianos y asturianes hai que dir adulces, pasu ente pasu, ensin prieses… y nós asumimos esi encamientu: llevamos cuarenta años pidiendo xusticia llingüística p’Asturies».

El presidente de la institución enumeró los obxetivos cimeros que s’algamaren nestes cuatro décades en materia de normalización y dedicó un apartáu a les iniciatives de la institución a lo llargo del últimu añu, destacando la encuesta

Riaño tamién quiso dexar nidiu’l carácter neutral dende el puntu de vista políticu de la Academia, pero ensin escaecer que “la sociedá asturiana, los votantes y les votantes, nun van ser neutrales y van analizar los programes electorales tamién polo que fai referencia a les propuestes en materia de política llingüística y cultural”.

Ofreció la disposición de la Academia a colaborar con el Gobierno saliente de las urnas el 26 de mayo «pa siguir trabayando pola dignificación de la llingua y pol llogru definitivu del so afitamientu xurídicu» y auguró la transcendencia que el nuevo periodo legislativo puede tener para la llingua: «A naide se-y escapa, teniendo en cuenta les propuestes electorales de les que se da anuncia, que la próxima llexislatura pue representar, a priori, la meyor y más importante oportunidá histórica pal caltenimientu del idioma asturianu».

IMG_3574 IMG_3577

Tres del discursu y la llectura de poemes qu’esti añu ficieron l’actriz María Cotiello y l’escritor Lluis Aique Iglesias, en llugar de los presentadores Sonia Avellaneda y Próspero Morán, llegó’l momentu de rendir tributu a la música cola presencia nel escenariu del gaiteru José Angel Hevia y la so Hermana María Jose a la percusión, acompañaos del italianu Roberto Jonatan al pianu. Coles lluces apagaes y el focu de lluz hacia l’escenariu los hermanos Hevia ufieron un espectáculu con temes del so caberu trabayu discográficu nel qu’entemecen sones asturianos y caribeños, finando con una perbona interpretación de la versión a la gaita del Asturias d’Albeniz que presentara hai dellos años Hevia en Lorient.

Captura de pantalla 2019-05-04 a las 16.55.14 Captura de pantalla 2019-05-04 a las 16.54.47

Y ente l’aplausu zarráu del públicu, José Angel Hevia peslló l’actu cola interpretación del Asturies Patria querida que’l públicu qu’enllenaba’l Campoamor cantó al tiempu zarrando colos tradicionales glayíos de Puxa Asturies un actu qu’abre la puerte a un añu con más esperanza que dengún de los últimos.

  Categories:
Loading Facebook Comments ...