UNA-Mieres valora como intolerable l’actitú del PP énte la llingua asturiana

UNA de Mieres fizo pública, nun comunicáu, lo so refuga a l’actitú del Partíu Popular na Comisión de Cultura del Ayuntamientu, al abandonar un plenu del mesmu pola presentación de dos espedientes escritos dafechu en llingua asturiana.

Pa UNA de Mieres esta actitú ye un reflexu “del despreciu del PP pa cola llingua y la cultura del país, al tiempu que dexa a les clares la facilidá que tienen los grupos políticos n’Asturies pa saltar penriba de la llegalidá no tocante al asturianu”.

Asina mesmo UNA de Mieres “queda plasmada” pol usu d’espresiones tales como “presentado en un dialecto no oficial” que talamente, comenten dende la UNA “paecieren surdíes d’una conversación de chigre más que de la boca de responsable políticos a los que se-yos sobreentiende una cultura xeneral suficiente como pa saber que la llingua asturiana nun ye nengún dialectu sinon un idioma reconocíu por organismos internacionales como la UNESCO”.

UNA recuérda-y a la corporación municipal del Partíu Popular en Mieres que ta “caminando nel filu de la illegalidá arreblagando perriba la Llei d’usu y promoción del bable asturianu qu’ellos mesmos aprobaron cuando taben nel Gobiernu”.

Los miembros del PP de Mieres “nun entienden l’asturianu”