Una gran esposición va centrar el Quintu Centenariu de la nacencia de Pedro Menéndez

Una gran esposición, comisariada por Ramón Vega Piniella, del Muséu Naval de Madrid, y Hugo Vázquez de la Universidá d’Uviéu,va ser pieza central del Quintu Centenariu de la nacencia de Pedro Menéndez. Va Amosar de marzu a setiembre la so trayectoria como marín, como científicu y como esplorador dende nueves perspectives y con documentación inédita.

Recordar y dar a conocer la figura y trayectoria de Pedro Menéndez d’Avilés ye’l principal oxetivu del programa ellaboráu pol Conceyu d’Avilés pa conmemorar el quintu centenariu de la nacencia del Adelantáu de la Florida, que se cumple’l 15 de febreru de 2019. El programa cunta cola collaboración instituciones como Autoridá Portuaria, Universidá d’Uviéu, Ministeriu de Defensa, Real Institutu d’Estudios Asturianos, Arquivu Históricu d’Asturies, entidaes y asociaciones locales y foranes.

L’espardimientu de Pedro Menéndez inclúi non yá la so faceta como Adelantráu de La Florida, sinón tola so actividá nel mundu marín y científicu, y empobínase a distintos ámbitos sociales: neños y nuevos, públicu comenenciudu na hestoria y patrimoniu avilesín, estudiosos, mundu académicu, etc.

Esta selmana aconceyaron nel Conceyu d’Avilés la Comisión Organizadora de la efeméride, de la que formen parte:

Conceyu d’Avilés: Mariví Monteserín (alcaldesa), Yolanda Alonso (concejala de Cultura), Cuadonga Cienfuegos (Archivera Municipal), Anabel Barriu (directora de la Factoría Cultural), Manuel Ángel Hidalgo (director del Muséu de la Hestoria Urbana d’Avilés), y María Josefa Sanz (Cronista Oficial d’Avilés).
Universidá d’Uviéu (vicerrector d’Estensión Universitaria y Proyección Internacional, Francisco José Berge)
Real Institutu d’Estudios Asturianos (director: Ramón Rodríguez)
Arquivu Históricu d’Asturies (directora: Concepción Parés)
Delegación de Defensa n’Asturies (delegáu: Vicente Bravo)
Comandancia Naval de Xixón (comandante: Carlos Orueta)
Autoridá Portuaria d’Avilés (presidente: Santiago Rodríguez Vega)

Monteserín esplicó qu’en 2019 “Avilés va enfotase en dar a conocer a Pedro Menéndez, la figura más importante de la nuesa hestoria. Pretendemos que cada avilesín conoza la so vida, la so trayectoria y el so fazañes y valorar como correspuende a la etapa en que vivió fai 500 años”.

Más información