Portada Conceyos Una esposición na Antigua Rula de Xixón fai homenaze al horru

Una esposición na Antigua Rula de Xixón fai homenaze al horru

by redacción asturnews

La esposición “Al Horru”, proyectu d’Ediciones Pata Negra dirixíu por Fermín Santos, ye una propuesta creativa na qu’artistes gráficos y poetes (un total de 120 ceadores) xúnense pa homenaxar al horru dende esti martes 6 de setiembre a les  12 del mediudía hasta’l 28 d’esti mes.

La esposición, que parte d’un triloxía poética ilustrada, constitúyese como una puesta en valor y homenaxe a tan singular elementu dende una mirada contemporanea.

El proyectu subvencionáu dientro de la convocatoria para producciones artístiques de la Fundación Municipal de Cultura, Educación y Universidá Popular del Conceyu de Xixón/Xixón, preséntase agora na Sala d’Esposiciones de l’Antigua Rula de Xixón/Xixón nel marcu del programa “Asturies – Cultura en Rede”, frutu del alcuerdu de collaboración robláu ente la FMCE y UP y la Sociedá Pública de Xestión y Promoción Turística y Cultural del Principáu d’Asturies pa la programación de proyectos espositivos d’artes visuales.

Presentación: Martes 6 de setiembre les  12.00h

Del 6 de setiembre de 2022 al 28 de setiembre de 2022
De martes a vienres: 17.30 a 20.30h | Sábados y domingos: 12.00 a 14.00 y 17.30 a 20.30h | Llunes: zarráu

Tamién te podria gustar