Una esposición amuesa en Xixón estes navidaes el Talentu Innovador

by redacción asturnews | diciembre 26, 2017 9:53 am

Una esposición amuesa en Xixón estes navidaes el Talentu Innovador na Sala 3 del Centru de Cultura Antiguu Institutu, del 20 d’avientu de 2017 al 8 de xineru de 2018, al travién d’idegues innovadores para ameyorar la nuesa sociedá, xeneraes por 369 escolares de 16 aules de 7 centros educativos de la ciudá.

El proyectu Creando Talentu Innovador enmarcase nel conxuntu d’iniciatives del Alcuerdu de concertación social Xixón Crez 2016-2019. Esti cursu escolar 2017-2018 ye’l segundu nel que se desenvuelve’l mesmu. Ta impulsáu pola Axencia Local de Promoción Económica y Empléu del Conceyu de Xixón, esplegándose en dellos centros educativos de la ciudá, a lo llargo de tola so comunidá educativa, dende los 6 hasta los 18 años, y dende los docentes hasta les families, con oxetu de promover la xeneración de procesos d’innovación. El proyectu pilotu ta desenvueltu de la mano de la empresa creativo y tecnolóxico local Talentu Corporativo.

Rematada la fase d’Educación Primaria arrexuntáronse 339 idegues. D’eses idegues diose en facer una selección previa per parte del equipu técnicu de l’Axencia Local de la cual escoyéronse 56 bocetos, que, en siendo analizaos pol Xuráu del proyectu, yá favorecieron el llogru de les 25 idees que van analizase en secundaria. Tolos dibuxos van formar parte d’esta esposición colectiva que se va a celebrar del 20 d’avientu de 2017 al 8 de xineru de 2018 nel Centru de Cultura Antiguu Institutu.

Source URL: http://asturnews.com/una-esposicion-amuesa-en-xixon-estes-navidaes-el-talentu-innovador/