Portada Uncategorized Una escuela taller trabaya p’acondicionar la redolada del Conxuntu Históricu d’Olloniego

Una escuela taller trabaya p’acondicionar la redolada del Conxuntu Históricu d’Olloniego

by asturnet

Una escuela taller con 16 alumnos trabaya p’acondicionar la redolada del Conxuntu Históricu d’Olloniego, nunos trabayos que van durar un añu ya inclúin la construcción d’una área de recréu con meses y bancos, caminos d’adoquín, la reforestación con especies autóctones y el zarru perimetral de la parcela.

La vicealcaldesa, Ana Taboada, y el conceyal d’Economía y Emplegu, Rubén Rosón visitaron la selmana pasada a los alumnos de la escuela taller que realicen trabayos d’acondicionamientu nel conxuntu históricu de Olloniego. Esta ye la segunda fase d’un programa de formación y empléu destináu a 16 alumnos/trabayadores, menores de 25 años y paraos y que cunta col financiamientu del Fondu Social Européu, el Serviciu Públicu d’Empléu y el Conceyu d’Uviéu.

Los alumnos ponen en práctica les habilidaes adquiríes mientres la primer fase del proyectu, la teórica, qu’empezó’l pasáu mes de xunu y enllargóse mientres seis meses. El proyectu imparte formación na caña de la xardinería y albañilería a los efectos de fomentar la so empleabilidá y ameyorar la so incorporación al mercáu llaboral. Mientres la primer fase realizáronse práctiques de cada certificáu profesional pa poder desenvolvelos a partir del xueves na parcela del Conxuntu Históricu de Olloniego, mientres la segunda y tercer fase del proyectu, que van durar seis meses caúna.

Tocantes a les obres a realizar, los integrantes de la escuela taller van ocupase de l’adecuación de la redolada más inmediata del Conxuntu Monumental, constituyíu por una parcela de propiedá municipal onde se pretende, amás, crear una zona lúdica pa los vecinos de Olloniego y pa los turistes.

 

Tamién te podria gustar