Portada Hestoria Una conferencia repasa’l papel d’Asturies na Constitución de 1812

Una conferencia repasa’l papel d’Asturies na Constitución de 1812

by asturnet

Esti xueves, 8 de payares, a les 19:30 hores, el Centru de Cultura Vieyu Institutu acueye una conferencia del ciclu Asturies n’armes. Convivencia del mundu civil y militar nel Principáu, organizaes pola UNED. L’autor ye Francisco Carantoña Álvarez, profesor titular d’Hestoria Contemporanea de la Universidá de Lleón.

Dende la organización esplique que “a pesar del so pequeñu tamañu y situación periférica, el Principáu d’Asturies xugó un papel bien relevante nel llevantamientu de 1808 y el procesu políticu posterior”. Xovellanos, el so representante na Xunta Central, foi l’artífiz de la convocatoria de les Cortes que s’axuntaríen en 1810. Los diputaos qu’escoyeron los asturianos, mayoritariamente lliberales, destacaron nos alderiques parlamentarios y Agustín Argüelles foi unu de los miembros más activos de la comisión constitucional y l’autor del discursu preliminar de la Constitución.

La conferencia analizará l’actuación de los diputaos asturianos na Xunta Central y nes Cortes y cómo se vivió nel Principáu la primer esperiencia constitucional.

Tamién te podria gustar