Un veredictu difícil pal Troféu Mac Crimmon d’esti 2007

04 agostu 03:45 2007 Imprimir

El xuráu del 22 Troféu Mac Crimmon de Gaita va tener difícil un veredictu que tien d’emitir en poco más d’una hora en cuantes que fine l’actuación del gaiteru asturianu Hugo Noval, caberu de los nueve participantes nesta edición 2007.

La primera gaitera en xubir al escenario foi la bretona Marie Le Cam, única concursante bretona nel Troféu Mc Crimmon de Gaita y fizo una perbona interpretación de la pieza bretona, asina como tamién de la gallega, anque tuo más nerviosa na asturiana, xustamente la que meyor conoz de les dos músiques del cantábricu.

Tres de Marie, toco-y el turnu al primer de los gaiteros gallegos, Alberto Goya, que tardó n’apaecer enrriba l’escenariu. Tres d’elli, los asturianos Pablo Carrera y Marco Antonio Guardado ficieron una interpretación midía, na que la mocedá de Pablo Carrera nun desmereció de la veteranía de Marco Antonio, qu’otra vuelta tornó a igo. cuayar una perbona interpretación, como ya ficiera l’añu pasáu.

A la pareya asturiana siguió nel escenario otra gallega: la del veteranu Edelmiro Fernández, que vinía pol so cuartu troféu, y el más mozu Pablo Devigo, que dexaron bien nidia la calidá interpretativa qu’esti añu amuesaben les dos delegaciones que compiten pol primer llugar. Darréu intervinieron l’asturianu Rubén Alba, el gallegu Brais Paz y l’asturianu Hugo Noval, que peslló la llista de 9 participantes na edición d’esti añu, na que formaron parte del xuráu los asturianos José Manuel López y Eugenio Otero Vega, los gallegos Iván Area y Jorge Areces y los bretones Armel Denis y Jean Baron.

  Categories:
Loading Facebook Comments ...