Portada Sociedá Un total de 40 espositores participen esta fin de selmana en la VII Feria d’Antigüedaes, Coleicionismu y Vintage

Un total de 40 espositores participen esta fin de selmana en la VII Feria d’Antigüedaes, Coleicionismu y Vintage

by redacción asturnews

Esti sábadu y el domingu nel Palaciu d’Esposiciones y Congresos d’Uviéu, un total de 40 espositores van participar na VII Feria d’Antigüedaes, Coleicionismu y Vintage.

Un total de 40 espositores van participar na VII Feria d’Antigüedaes, Coleicionismu y Vintage d’Uviéu, que se va celebrar esti sábadu 28 y domingu 29 nel Palaciu d’Esposiciones y Congresos d’Uviéu. El conceyal de Comerciu y Turismu, Rubén Rosón, y Mary Cruz Madrid, miembru de la organización, presentaron esti miércoles, nuna rueda de prensa, esti eventu.

Anticuarios de Galicia, Cataluña, Andalucía, Andalucía o Castiella y Llión van participar na Feria, onde van ufiertar productos de distintos estilos y dómines, “faciendo qu’un añu más esti alcuentru sía’l puntu de referencia na vienta d’antigüedaes n’Asturies”, según Rosón. El conceyal tamién destacó que gracies a esti tipu d’eventos, el Palaciu d’Esposiciones y Congresos recuperó la so “puxanza y vida, pasando de 10.000 a 80.000 visitantes en 2017”.

Los visitantes, coleicionistes y públicu qu’allega a la feria van poder aportar, nuna vienta directa y ensin intermediarios, a oxetos antiguos, como postales, discos de vinilu, xoyes antigües y muebles.  “Convertimos el Calatrava nun gran escaparate d’oxetos antiguos espuestos nun llugar tan modernu como esti Palaciu de Congresos”, indicó Madrid.

El preciu de la entrada ye de 3 euros y ye válida palos dos díes. “Partimos publicidá con vales de descuentu de 0,50 euros cada unu”, concluyó la organizadora.

Tamién te podria gustar