Portada Gastronomía Un total de 26 establecimientos carbayones van sirvir los Taragaños del Cofrade

Un total de 26 establecimientos carbayones van sirvir los Taragaños del Cofrade

by redacción asturnews

Un total de 26 establecimientos uvieínos van sirvir los” Taragaños del Cofrade” dende güie vienres, día 26, hasta’l 4 d’abril.Como yá ye tradición en Taragaños del Cofrade, los meyores taragaños van escoyese por aciu votación popular y faise, como s’esplicó, al traviés de l’aplicación web dende onde puede escoyese el Taragañu preferíu.

El conceyal de Turismu y Hostelería, Alfredo García Quintana y el presidente de Otea, José Luis Álvarez Almeida, presentaron esta mañana, nel salón de plenos del Conceyu, la X  edición de “Taragaños del Cofrade”, una propuesta gastronómica de la hostelería d’Uviéu para esta selmana Selmana Santa que va arrincar esti vienres, 26 de marzu, hasta’l domingu, 4 d’abril. La iniciativa inclúi amás la posibilidá de tastiar en seis restoranes menúes específicos de vixilia, el Menú del Cofrade.

Anguaño por motivos del COVID-19 los gastromapas son dixitales y puede aportase a tola información al traviés de la web y colos códigos QR qu’hai nos cartelos y nes creatividaes de Taragaños el Cofrade. Al traviés del planu dixital d’Uviéu alcuéntrase l’allugamientu esactu de los establecimientos participantes.

Na aplicación llógrase una Guía de Taragaños que rellaciona los establecimientos participantes y los nomes de los Taragaños qu’ufierten y si ufierten Menú del Cofrade. Al traviés de l’aplicación web puédese tamién votar al pinchu preferíu.

Como yá ye tradición en Taragaños del Cofrade, los meyores taragaños van escoyese por aciu votación popular y faise, como s’esplicó, al traviés de l’aplicación web dende onde puede escoyese el Taragañu preferíu. Solo puede votase un taragañu per cada participante rexistrándose por aciu corréu electrónicu.

Tolos votos recibíos van entrar nun sortéu d’una “escapada Reconquista” pa dos persones (nueche d’agospiamientu, almuerzu y degustación del Menú de Reconquistar) y dos menú de Reconquistar Taragaños na rede.

Para dar promoción na rede de Facebook a Taragaños del Cofrade proponse a los veceros que xuban al Facebook d’Otea semeyes de Taragaños que darréu van participar nun sortéu d’otros trés menúes de Reconquistar para dos persones en cualesquier de los establecimientos participantes escoyíu.

Participase de la siguiente manera:

1. Faer una semeya del taragañu que se tea consumiendo.
2. Indicar el nome del local
3. Xubilo al Facebook de Otea col hashtag Taragaños2021
4. Da-y al “Gústame de la páxina.

El Taragañu que recibiera mayor númberu de votos populares va ser proclamáu ganador y va recibir el Capuchón d’Oru. El segundu, en númberu de votos, Capuchón de Plata, y el terceru, Capuchón de Bronce.

Tamién te podria gustar