Un terciu les compres online de San Valentín fácense con un smartphone

Un terciu les compres online de San Valentín fácense con un smartphone
14 febreru 16:24 2018 Imprimir

Un terciu les compres online de San Valentín tan faciéndose esti añu con un smartphone sigún una encuesta de la canal  de compres  Vente-privée.

Esti miércoles España enllénase de roses, caxes de bombones y pareyes faciendo coses por cuenta de San Valentín, la festividá qu’homenaxa (munches vegaes pasando poles tiendes) al amor romántico. Y nel ámbitu empresarial, la novedá d’anguaño frente a los pasaos ye la popularización de les compres de regalos al traviés del smartphone, qu’anguaño van suponer un 27% del total d’alquisiciones online n’España. Amás, la mayoría de los usuarios habituales de ecommerce van encargar los sos regalos al traviés d’Internet tamién nesta fecha, esto ye, siete de cada diez.

Al respective de la popularidá de San Valentín n’España, seis de cada diez españoles aseguraba díes enantes que va faer dalgún tipu de celebración, tal como amuesa esta infografía de Statista en gran parte ellaborada con datos d’una encuesta del portal de la compres Vente-privée. Los planes más demandaos van ser nesta ocasión les actividaes en pareya, mentada por un 48% de los participantes nel sondéu. Respectu al gastu para esti día, el 52% de los encuestaos asegura tener programáu un presupuestu total d’ente 20€ y 50€ y un 41%, d’ente 50€ y 100€.

  Categories: