Un taller infantil d’animación a la llectura n’asturianu andará les 4 biblioteques d’Avilés

La escritora Susana Sela sedrá la encargada de desenvolver n’Avilés l’actividá entitulada “¿Quién pasó per equí?” nunos talleres que van facese los díes 30 d’abril, 2, 3 y 4 de mayu, a les 18 hores, coincidiendo cola Selmana de les Lletres Asturianes.

Un taller infantil d’animación a la llectura andará les cuatro biblioteques del Conceyu d’Avilés (Bances Candamo, La Carriona, La Xungarosa/Barrio de La Luz y Los Canapés) ente’l 30 d’abril y el 4 de mayu. Entitúlase “¿Quién pasó per equí?”, y va dalu la escritora avilesina Susana Sela.

Les actividaes, que son pa neños y neñes dende los 4 hasta los 8 años, muévense alrodiu d’una historia protagonizada por una neña que se llama Oneta. Andando pela viesca, Oneta ve unes marques en suelu que la lleven a descubrir unes coses tremendes.

Les sesiones van facese nestos sitios y nestos díes:

30 d’abril: Biblioteca de La Carriona (18 h.)
2 de mayu: Biblioteca de La Xungarosa/Barrio de La Luz (18 h.)
3 de mayu: Biblioteca de Los Canapés (18 h.)
4 de mayu: Biblioteca Bances Candamo (18 h.)

La participación ye de baldre y nun hai d’apuntase enantes.