Portada Sociedá Un sellu y un matasellos celebren el 125 Aniversariu del Teatru Campoamor

Un sellu y un matasellos celebren el 125 Aniversariu del Teatru Campoamor

by redacción asturnews

L’alcalde d’Uviéu, Wenceslao López y el presidente de la Fundación Municipal Roberto Sanchez Ramos presentaron la selmana pasada, nel salón de té del Taetro Campoamor, el Sellu y Matasellos del 125 Aniversariu del Teatru Campoamor.

Sánchez Ramos empecipió l’actu estimando “a Luis Gutiérrez y Ángel Iglesias esta iniciativa na que trabayemos conjuntamente amás de la collaboración de Correos. Ye xuna iniciativa histórica y bien amestada, evidentemente, al conceyu”.

Luis Gutiérrez, presidente Grupu Filatélicu y Numismáticu Uvieín, declaró que “esti sellu y matasellos van espublizar pel mundu enteru la imaxe d’esti edificiu qu’irradia cultura en cada unu de los sos habitáculos (…) dende 1892 vivió un grandiosu camín cultural. Gracies por incluyir a la Filatelia nos actos conmemorativos d’esti aniversariu”.

Nel actu tamién tuvieron presentes Felicidá Castiella Casáu, coordinadora Comercial Zona 1 de Correos; Ángel Iglesias Vidal, Presidente Federación Asturiana de Sociedaes Filatéliques y  la vicealcaldesa, Ana Taboada xunta representantes de tolos grupos municipales.

Tamién te podria gustar