Un plan d’empléu va recuperar nueve itinerarios y la hestoria del Naranco

Un plan d’empléu va recuperar nueve itinerarios y la hestoria del Naranco
19 febreru 18:36 2021 Imprimir

Unes 80 persones del Plan d’empléu uvieín trabayen pa “recuperar nueve itinerarios y la hestoria del Naranco“ nun ambiciosu proyectu del Conceyu de la capital d’Asturies.

El Ayuntamientu tenía una delda histórica con esti monte y paecía que nunca se diba a faer nada –como dicía un ex políticu- pero si lu tamos faciendo. Ye una inversión bien importante: más de trés millones d’euros de los qu’una tercer parte, más d’un millón, poner el Conceyu y el restu, el Principáu. Amás tamos dando empléu a unes 80 persones. Espero que l’añu que vien sigamos trabayando. Vamos integrar el Monte recuperando la so hestoria militar y enllazando el Naranco cola ciudá con salíes por Vallobín, Ules…ye una tema importante pa Uviéu. Hai que faelo y caltenelo. Hai que recuperar el Naranco pa tolos uvieinos”.

La responsable social d’Empléu del Conceyu, esplicó que “el Plan local d’empléu d’anguaño inclúi la meyora de siendes, tantu con señalización ya información -que dempués de va pasar a la web del Conceyu sobro los itinerarios- y tamién con aspeutos culturales, naturales, hestóricos, kilómetros, desniveles, pa qué edá ye recomendable… trátase, a última hora, de que la población utilice’l monte”.

Valeriano Gil, director del proyectu, esclarió que “empecemos   na zona urbana del monte Porciles. Tenemos 11 equipos trabayando. Hai dos partes: primero, 48 kilómetros de parte urbana, y 43 kilómetros d’una ruta que va hasta’l Nora. Hasta’l 31 d’agostu vamos tar trabayando”.

Beatriz Rodríguez, inxeniera topógrafa, añedió: “cada itinerariu lleva’l so color, son nueve en total, casi 100 kilómetros, y tán  identificaos llavaderos, trincheres…. Esperemos que pel branu tea prácticamente termináu’l proyectu”.

  Categories: