Un piñu d’escritores asturianes reflexona na Vagamar sobre lliteratura

12 setiembre 09:04 2012 Imprimir

Esti miércoles 12 siguen los actos de la Vagamar, qu’organiza l’asociación L’Arribada. Nel Salón d’actos del Vieyu Institutu de Xixón, a les seis de la tarde, va proyectase un documental sobre Fernando Pessoa. Una hora más tarde presentaráse’l llibru A la mar (“I Recital de Poesía de la Mar «Peña Lladrona» 2010″) , qu’inclúi poemes de Xosé Ramón Martín Ardines, Sabela Fernández, Humberto Gonzali, Iván Iglesias, Ignaciu Llope, Ánxel Nava, Esther Prieto y Javier Cayado Valdés.

A les siete y media la tarde celebraráse una tertulia sobre la “Lliteratura asturiana en femenino”, na que van participar Esther García López, Esther Prieto, Marisa López Diz, Nieves Viesca y Aurora García Rivas, presentándose darréu’l llibru “Manual de tinta”, de Nieves Viesca.

El xueves presentáse a les seis y media’l númberu 32 de la revista Asturies, memoria encesa d’un país, de la Fundación Belenos, presentando de siguío la novela policiaca “Sangre na braña”, de Roberto González-Quevedo. A les siete y media una mesa redonda sobre “El hard-boiled en llingua asturiana”, cuntará con Roberto González-Quevedo, Xuan Xosé Sánchez Vicente, Vicente García Oliva y Humberto Gonzali.

Programa completu d’actividaes de Vagamar

  Categories:
Loading Facebook Comments ...