Tecnoloxía Un nuevu Seminariu on-line AYCH avera “Youtube pa empreses” by redacción asturnews 13 de payares, 2020 written by redacción asturnews 13 de payares, 2020 3,K Dientro del proyectu européu AYCH (Atlantic Youth Creative Hubs), Xixón Impulsa, como collaborador del Conceyu de Xixón, sociu del proyectu, vien entamando una serie de talleres sobro emprendimiento y tecnoloxíes habilitadores y esti llunes y el que vien va tener un averamientu práuticu al mundu de YouTube. El próximu 16 y 23 de payares l’academia creativa Wukap va ufiertar un taller online estremáu en dos sesiones d’una hora caúna, pa saca-y mayor partíu a Youtube como ferramienta de marketing y d’espardimientu de conteníu pa la busca de nuevos veceros y l’establecimientu d’una comunidá en redol a la to marca. Los oxetivos d’esti taller son aprender a crear conteníu profesional pa Youtube y redes sociales, conocer les ferramientes disponibles pa entainar la creación, crear nueves víes de monetización ya incentivar los ingresos económicos alternativos. El taller va tar impartíu por Daniel Morales, o más conocíu como Hermoti, un inxenieru aeronaútico que tres 7 años na industria, camudó la so vida pel mundu artísticu, dándose a conocer al traviés de Youtube: cantares, parodies, imitaciones, doblaxes, entevistes, humor…. Dempués de millones de visites y de ser lo más viral de 2017, consiguió consolidar la so carrera nel ShowBusiness al traviés de les redes sociales. Primer taller 16 de payares, de 16.00 a 17.00 hores. Inscripciones en: https://zoom.us/webinar/register/WN_zyhTLFQcTO6ei4rBmNkXvA Pa cualquier dulda, puedes escribinos a acadaviecogijon.es. Organizador: Xixón Impulsa Cuando: 16 de payares de 2020 De 16:00 a 17:00 0 FacebookTwitterPinterestEmail Anterior La restauración d’una escultura nun edificiu de Palencia empecipia un discutiniu siguiente La Xunta de Gobiernu aprueba más de 351.000 euros n’ayudes de ‘Xixón Reinicia’ Tamién te podria gustar Ventanielles y Guillén Lafuerza van ser una “Fábrica... El Principáu y la UOC firmen un conveniu... Los videoxuegos caltienen sesgos de xéneru Educación aconceya a casi 1600 escolares de 12... Convocáu’l II Concursu de Videopoemes POEX 2023 Nueva ruta de realidá aumentada na Casa Natal... Avilés amuésase como referente de la innovación cola... El binomiu Ciencia y Sociedá centra’l foru Horizonte... Asturies envolúbrate: Paisaxes inmersivos del patrimoniu sonoru asturianu Uviéu TECH, “la to cita col futuru”, abre’l...