Portada Plástiques Un Klimt vendese por 55,88 millones d’euros en Londres

Un Klimt vendese por 55,88 millones d’euros en Londres

by redacción asturnews
Foto: vintage prints & posters (https://www.flickr.com/photos/132289648@N05/)

El paisaxe floral Bauerngarten (Blumergarten) (1907), del simbolista austríaco Gustav Klimt, vendióse la selmana pasada en Londres por 47,97 millones de llibres (55,88 millones d’euros), el tercer preciu más altu alcanzáu por una obra nuna puya europea, según la casa Sotheby’s.

Na mesma sesión, dedicada al arte impresionista y moderno, rematose na capital británica la naturaleza muerta de Pablo Picasso “Llanta de Tomate” (1944), un oliu que l’artista español pintó poco primero de la lliberación de París polos aliaos na II Guerra Mundial, por 17,03 millones de llibres (19,83 millones d’euros).

Tratase del bodegón más caru subastáu hasta agora del xeniu malagueñu, según Sotheby’s, onde la semeya roblada pol italianu Amedeo Modigliani “Portrait de Baranowski” rematose por 16,02 millones de llibres (18,66 millones d’euros).

La obra de Klimt, estrella de la sesión, foi executada demientres el periodu doráu de la carrera del austríacu y ta consideráu una obra maestra del arte vienés de principios de sieglu.

El llenzu de Picasso, pela so parte, ye unu de los cuadros d’una serie de cinco que foi considerada como un símbolu pictóricu de la resistencia y victoria de les fuerces aliaes n’Europa.

Tamién te podria gustar