Cine Un director asturianu llucha por formar parte de The ABCs of Death 2 by asturnet 6 de payares, 2013 written by asturnet 6 de payares, 2013 62 El direutor mozu Álvaro Núñez ye unu de los candidatos a formar parte del recopilatorio de curtiumetraxes de terror The ABC’s of Death, nel que participaron Nachu Vigalondo, Álex de la Iglesia o Vincenzo Natali (Cube). Na cuenta trás pa rematar la primer etapa del concursu The ABC’s of Death 2, el director asturianu Álvaro Núñez ta mui cerca de consiguir qu’el so curtiumetraxe M IS FOR MIRACLE sía incluyíu dientro del recopilatorio The ABCs of Death 2, del que na so primer edición participaron directores de sonadía como Nachu Vigalondo, Álex de la Iglesia o Vincenzo Natali (Cube), ente otros. A pocos díes del zarru oficial de les votaciones del públicu, el concursu va rematar el 14 de payares, el curtiumetraxe del asturianu M IS FOR MIRACLE atopar ente los venti primeros, siendo’l segundu curtiumetraxe español más votáu dientro d’esti concursu d’ámbitu internacional. Pal mozu director, que yá unvió dellos de los sos trabayos a distintos festivales de cine y participó en diversos concursos de curtiumetraxes, que la so última creación forme parte del recopilatorio The ABCs of Death 2 ye la so nueva meta. P’algamar esti propósitu ye necesariu llograr el máximu de votos per parte del públicu al traviés de la páxina http://26th.abcsofdeathpart2.com/entry/m-is-for-miracle-1/, onde se puede visionar el curtiumetraxe. M IS FOR MIRACLE dirixíu por Álvaro Núñez, producíu por Karmacoma Films y protagonizáu pol tamién asturianu David Blanka, narra una esmolecedora hestoria de tres minuto na que s’amuesa la desidia humana llevada al estremu pol so protagonista, un home qu’ante la más bederre de les visiones escueye la fuxida ante la llucha. Cine 0 FacebookTwitterPinterestEmail Anterior Dixebra presenta’l viernes n’Avilés “Tiempos Modernos” siguiente Ramón d’Andrés presentaFranco nos diccionarios y otres impertinencies alredor de la llingüística y les llingües Tamién te podria gustar La gala de los Goya va celebrase en... Avilés proyecta “Patriarcáu, l’organismu nocivu”, un documental contra... La última Palma d’Oru en Cannes brilla nel... Empiecen les proyecciones pa escolares de la Selmana... La Pola acueye la proyección de “Ente les... El Festival SACU va acoyer l’estrenu del cine-conciertu... La Factoría Cultural proyecta “La Mina en Llapaes” Güei proyéctase en La Pola “You resemble me” Servicios Sociales de Xixón presenta’l documental ‘Guapes Hestories... La BICC proyecta’l documental “Varsavsky – El científicu...