Un curtiometraxe asturianu recibe’l premiu del públicu nel festival de cine de Sanxenxo

by asturnet | febrero 25, 2009 11:36 am

[1]

El curtiometraxe asturianu “A golpe de tacón”, dirixíu por Amanda Castro, recibió estos díes el premiu del públicu nel I Festival da Madame 2009, Audiovisual de Sanxenxo. El certame tien como oxetivu reconocer el trabyu de la muyer nel campu audiovisual.

La cinta recibió yá otros quince gallardones y va participar na XIV Edición del Festival Internacional de Cine Mediterráneu de Tetuán que se celebra nesti llugar marroquí a finales de marzu.

Amás, el 28 de marzu va proyectase la cinta nel Centru Asturianu de Barcelona onde van tar presentes la directora y Anita Sirgo, la militante antifranquista na que se basa esta producción de “Por Tantas Cosas”.

Pa ver la película n’Asturies habrá qu’esperar menos, hasta’l 6 de marzu, a les ocho la tarde, cuando la Casa Cultura de Llanes va acoyer la proyección del curtiometraxe dientro de los actos del Día de la Muyer Trabayadora.

Endnotes:
  1. [Image]: http://asturnews.com/bancofotos/fotos/2/4234.jpg

Source URL: http://asturnews.com/un-curtiometraxe-asturianu-recibe%c2%92l-premiu-del-publicu-nel-festival-de-cine-de-sanxenxo/