Un calendariu gratuitu pa recordar el Xixón de los años 60 en 2021

by redacción asturnews | diciembre 14, 2020 9:00 am

El Muséu del Pueblu d’Asturies y l’Oficina de Normalización Llingüística, publiquen un añu más, conxuntamente, el calendariu 2021, qu’esta vegada va recordar el Xixón de los años 60.

La tema escoyida ye «Xixón años 60», que se recuerda al traviés d’una selección de trelce semeyes de dalgunos de los fotógrafos más representativos  de los fondos y colecciones del Muséu: Constantino Suárez, Pedro Alonso Rebollar, Francisco Ruiz-Tilve, Mario Pascual, Manuel Encinas… amosando llugares y acontecimientos de la vida social, llaboral y festiva d’esa década:  la fabricona de Moreda, El Musel, , la rula, la sablera, la Universidá Llaboral, el Xardín, el mesmu Muséu del Pueblu d’Asturies. etc

Vienen acompañaes amás d’un códigu QR que dexa ver esos  mesmos llugares na actualidá y comparar los sos cambeos y tresformamientos.

Los calendarios distribúyense gratuitamente nel Muséu del  Pueblu d’Asturies  y na Oficina de Normalización Llingüística (Centru de Cultura Antiguu Institutu)

Source URL: http://asturnews.com/un-calendariu-gratuitu-pa-recordar-el-xixon-de-los-anos-60-en-2021/