“Un branu con muncho arte” y pa tolos públicos nes cais d’Avilés

“Un branu con muncho arte” y pa tolos públicos nes cais d’Avilés
03 agostu 09:49 2018 Imprimir

Esta tercer edición del branu artísticu d’Avilés va tener llugar los díes 18, 25 y 31 d’agostu. y con Frida Kahlo y el papel de les muyeres na hestoria de les manifestaciones artístiques y el patrimoniu medieval como protagonistes de les actividaes programaes.

Avilés sabe a cultura pa tolos públicos, y en dómina braniza entá ye más, gracies al impulsu y respaldu municipal a diverses propuestes culturales. Ye’l casu de “Un branu con muncho arte n’Avilés”, qu’algama la so tercer edición, cola so iniciativa de sacar l’actividá cultural a les cais de la ciudá. Anguaño, cola pintora Frida Kahlo como protagonista, y les manifestaciones artístiques realizaes por muyeres a lo llargo de la hestoria y invisibilizadas, y siempres cola puesta en valor del ricu patrimoniu medieval d’Avilés.

Van Ser trés actividaes gratuites, frutu de la collaboración ente la conceyalía de Promoción de Ciudá y l’entidá cultural avilesina “Cúntame un cuadru”. Celébraranse los díes 18, 25 y 31 d’agostu.

L’oxetivu de “Un branu con muncho arte” ye convertir la cultura nuna ferramienta de diversión, d’educación, de conocencia, d’una forma ameno y cercano, accesible a tolos públicos, tanto locales como visitantes, y siempres de forma gratuita. Nel conxuntu de les dos primeres ediciones superáronse los mil participantes.

Les actividaes p’anguaño son les siguientes:

    “Trés cantares, dos cuadros y un diariu: Frida Kahlo”. Sábadu 18 d’agostu, 20 hores. Calle Palacio Valdés.

L’actividá xira en redol a la figura de la pintora mexicana Frida Kahlo, xuna de les figures artístiques más importantes del sieglu XX. A partir de detalles de dos obres de Kahlo -un autorretratu y la que foi la so última composición- l’artista avilesina Itziar Sánchez va encetar un gran llenzu en blancu.

Coles mesmes, la historiadora del arte Patricia Pérez va glosar la vida y l’obra de Kahlo, y van entrepolase trés temes musicales rellacionaos cola pintora, interpretaos en directu poles cantantes locales Emma Black y Sandra Fernández. L’actu cerrar l’artista mexicanu Frank Navarro, que va interpretar xuna de los cantares preferíos pol so compatriota.

    “Avilés medieval en familia”. Sábadu 25 d’agostu. 12 hores. Plaza d’España.

La celebración del Mercáu Medieval ye la escusa perfecta pa enseñar a les neñes y los neños, a partir de 7 años y acompañaos por un adultu, cómo yera l’Avilés del sieglu XIV. Col consistoriu como puntu d’alcuentru, va empecipiase xuna ruta al traviés de la cual van afayar palacios, muralles, barcos, soldaos… Jalonada de sorpreses para esfrute de toes y tolos participantes.

    Femenín plural: Grandes Maestres del Arte. Vienres 31 d’agostu. 19.30 hores. Palaciu de Valdecarzana.

Les artistes fueron presentaes de forma marxinal nos manuales d’hestoria del arte, o directamente callaes, mientres fueron profusamente representaes como modelos en manifestaciones artístiques de tolos tiempos. Asina, la última actividá va consistir xuna charra-coloquiu na que se van analizar los porqués de la eliminación apostada del nome de tantes muyeres, magar que en la so dómina fueron reconocíes, y va averase al públicu’l papel que xuega la muyer na Hestoria del Arte, como artista y como motivu artísticu.

Calendariu d’actividaes “Un branu con muncho arte n’Avilés”. Agostu de 2018.

Sábadu 18 d’agostu, 20 hores. “Trés cantares, dos cuadros y un diariu: Frida Kahlo”. Calle Palacio Valdés.
Sábadu 25 d’agostu, 12 hores. “Avilés medieval en familia”. Plaza d’España.
Vienres 31 d’agostu, 19.30 hores. Femenín plural: Grandes Maestres de la Hestoria”. Palaciu de Valdecarzana.

  Categories: