Portada Plástiques Un barriu madrilanu concéntrase pa pidir que se caltenga un mural feminista

Un barriu madrilanu concéntrase pa pidir que se caltenga un mural feminista

by redacción asturnews

Al berru de “el mural nun se toca”, dellos centenares de vecinos y vecines del madrilanu barriu de la Concepción concentráronse el domingu p’amosar el so repulsa a una propuesta de Vox pola qu’un mural con cares de muyeres como Frida Khalo va ser sustituyíu por otru con deportistes paraolímpicos.

A lo llargo de daqué más de cincuenta metros, nuna de les parés del polideportivu Concepción, col moráu predominando y entemecíu con tonos templaos, asocédense les cares de quince muyeres históriques: Comanda Ramona, Rosa Parks, Gata Cattana, Nina Simone, Liudmila Pavlichenko, Emma Stone (nel papel de la exjugadora de tenis Billie Jean King), Kanno Sugako, Chimamanda Ngozi Adichie, Valentina Tereshkova, Angela Davis, Rosa Arauzo, Lucía Sánchez Sorni y Rigoberta Menchú.

Un plantel heteroxéneu de muyeres que’l grupu de Vox pidió “camudar” nel plenu de la Xunta de Ciudá Llineal pa nel so llugar executar otru mural dedicáu a deportistes y el deporte que “nun contenga nengún mensaxe políticu, namái deportivu”.

Vox presentó una enmienda a la proposición -que salió adelantre colos votos de PP y Ciudadanos- para especificar que la pintura, nesa paré dende 2018, tendría de tar dedicada a deportistes paraolímpicos, énte la que’l partíu naranxa presentó otra enmienda transaccional para añedir que tien de representase a cinco homes y cinco muyeres deportistes.

Cuatro díes dempués d’esa votación, políticos de PSOE, Xuníes Podemos y Más Madrid, vecinos, asociaciones vecinales, AMPAS, persones de toles edaes tomaron la cai José del Fierro al berru de “el mural nun se toca”, ente que en Change.org casi 40.000 persones roblaron por que nun se dexe “la destrucción de les muyeres y la so hestoria”.

“Si quieren quitalu van quitalu, porque tienen tolos medios, inclusive a la policía, pero en concencia vannos a tener enfrente y dir a defender con uñes y dientes. Lo que ye del barriu nel barriu quédase”, diz Aida, de l’asociación de vecinos de Quintana.

Tamién te podria gustar