Un analís confirma que Leonardo Da Vinci yera ambidiestru

by redacción asturnews | abril 11, 2019 11:13 am

El xeniu florentín nació zurdu, pero foi reeducado nel usu de la mano derecha dende neñu.  Leonardo Da Vinci escribía y pintaba con dambes manos, anque principalmente facíalo cola izquierda.

Esto ye lo que confirmaron  esta selmana los analises de los espertos del Opificio delle pietre dure de Florencia sobro’l Paesaggio –más conocíu como 8P pol so númberu d’inventariu consideráu por munchos el primera gran dibuxu del xeniu florentín y el so primer trabayu fecháu, del 5 d’agostu de 1473.

“Leonardo nació zurdu, pero foi reeducado nel usu de la mano derecha desque yera neñu”, esplicó la historiadora del arte Cecilia Frosinini, quien supervisó los analises, na presentación na Galería de los Uffizi de Florencia, onde s’atopa la obra. “De la observación de los sos escritos, incluyíos los del dibuxu, entiéndese que la so caligrafía de diestru ta bien fecha, Leonardo sabe emplegar bien esta mano”, recueye un comunicáu.

Les investigaciones duraron selmanes y fixéronse primero que’l Paesaggio sía treslladáu’l próximu 15 d’abril a Vinci, la tierra orixinaria del artista, pa una amuesa entamada pa conmemorar el V centenariu de la so muerte. Los espertos consiguieron llegar a esta conclusión al confrontar los dos escritos que contien el dibuxu, unu sobro’l llugar y la fecha en que foi concebíu, y otru, nel envés, qu’amuesa’l bocetu d’una fórmula contractual. Según aseguren, Leonardo escribió les palabres de la parte delantera de la obra anotaes de derecha a esquierda, xuna fórmula habitual nel artista– cola esquierda, ente que pa la parte posterior utilizó la derecha.

Según el director de la Galería de los Uffizi, Eike Schmidt, los elementos que remanecieron nestes investigaciones “abren nueves prospectives del dibuxu 8P de Leonardo y sobro cómo l’artista construyó ‘’ el Paesaggio, sobro la so técnica y hasta los sos vezos y habilidaes na escritura, afayando que yera ambidiestro”. “Ye xuna verdadera y mesma revolución nel ámbitu de los estudios leonardescos”, sentencia’l director.

La primer vegada que se faló de que’l xeniu florentín yera ambidiestru foi nel 2011, cuando s’afayó una firma fecha cola mano derecha nel Arquivu d’Estáu de Milán. La confirmación qu’anunciaron esti llunes los Uffizi llega en plena fervencia italiana poles conmemoraciones que se tán celebrando anguaño en tol país n’ocasión del V centenariu de la so muerte.

Source URL: http://asturnews.com/un-analis-confirma-que-leonardo-da-vinci-yera-ambidiestru/