Cine Un actor arrenuncia al so papel en ‘Hellboy’ tres crítiques por racismu by redacción asturnews 31 d'agostu, 2017 written by redacción asturnews 31 d'agostu, 2017 32 Inda falta un añu pal estrenu de la próxima película de la saga Hellboy y l’alderique yá empezó. La que va ser la tercer película del cómic protagonizáu pol “demoniu coloráu” foi criticada duramente por “ablancazamientu” del repartu y falta de rigor na etnicidad de los personaxes. Munchos fans, actores y directores de cine punxeron el berru nel cielu cuando se dio a conocer que sería l’actor Ed Skrein el que daría vida al personaxe de Ben Daimio, que nel cómic orixinal tien procedencia asiática. Les quexes y crítiques atropar nes redes sociales, nes que se falaba de “un casu más del ablancazamientu de Hollywood” nos personaxes de películes. “El productor y director de la película tienen de ser castigaos por esto. Pero los actores tamién precisen empezar a tomar responsabilidaes poles sos acciones”, dicía la directora de cine palestina Lexi Alexander. Tres esta folada de crítiques, Ed Skrein, decidió abandonar Hellboy alegando que “ye la nuesa responsabilidá tomar decisiones morales en tiempos difíciles y dar voz para incluyir a toos”, comentó nun comunicáu. Tamién resaltó que desconocía’l datu del orixe asiáticu del rol que diba interpretar y que “representar esi papel n’una forma fayadiza tien enforma significáu para la xente y por tantu ignorar esta responsabilidá sería siguir con una corriente esmolecedora d’escurecer les hestories de les minoríes étniques y les sos voces”. Ed Skrein termina diciendo que se siente apenáu por abandonar la producción de Hellboy pero que merez la pena si esta acción ayuda a “faer realidá la igualdá na representación nes Artes”. La decisión foi aceptada polos productores del filme qu’espresaron el so sofitu al actor añediendo que “nun yera nuesa intención ser insensibles tocantes a aspeutos como l’autenticidá y etnicidad, y vamos intentar escoyer a un actor más representativu para’l papel”, según publica The Hollywood Reporter. Les palabres de Skrein, conocíu poles sos apaiciones en Xuegu de Tronos o Deadpool, trescalaron a numberosos fans ya inclusive xeneró que persones que nun-y conocíen almírenlu: “Gracies por faer esto. Acabes de ganar un fan y ensin dulda voi tar pindiu del próximu trabayu del que formes parte”, podía lleese en numberosos tuits nel so perfil na rede social. 0 FacebookTwitterPinterestEmail Anterior Suatea y l’Asociación de Docentes Interinos denuncien que’l cursu entama con places ensin cubrir siguiente El 65% los españoles afirma nun poder vivir ensin Internet Tamién te podria gustar La gala de los Goya va celebrase en... Avilés proyecta “Patriarcáu, l’organismu nocivu”, un documental contra... La última Palma d’Oru en Cannes brilla nel... Empiecen les proyecciones pa escolares de la Selmana... La Pola acueye la proyección de “Ente les... El Festival SACU va acoyer l’estrenu del cine-conciertu... La Factoría Cultural proyecta “La Mina en Llapaes” Güei proyéctase en La Pola “You resemble me” Servicios Sociales de Xixón presenta’l documental ‘Guapes Hestories... La BICC proyecta’l documental “Varsavsky – El científicu...