Portada Escéniques Ultramarinos de Lucas algama’l Premiu Nacional d’Artes Escéniques

Ultramarinos de Lucas algama’l Premiu Nacional d’Artes Escéniques

by redacción asturnews

La compañía Ultramarinos de Lucas foi galardonada ayeri col Premiu Nacional d’Artes Escéniques pa la Infancia y la Mocedá 2015.

Juan de Lucas, unu de el fundadores d’esta compañía fundada en Guadalaxara en 1994, dixo a Efe que recibir esti premiu ye “prestoso” pero nun pueden “parase” ante una noticia d’esta naturaleza yá que hai que siguir trabayando coles mires de “buscar” a esi públicu xuvenil.

El xuráu del premiu, qu’otorga añalmente’l Ministeriu d’Educación, Cultura y Deporte con una dotación de 30.000 euros, concedió por mayoría a Ultramarinos de Lucas esti galardón “pol so compromisu cola innovación y el riesgu tanto formal como nes temes trataes, siempres empobinaos al públicu infantil y xuvenil”.

El xuráu reconoz igualmente “la variedá de técniques y de rexistros colos qu’encetaron los sos espectáculos a lo llargo de la so trayectoria nuna busca permanente de la esencia de la teatralidad”. Nesti sentíu, De Lucas dixo que na compañía siempres se meten” en propuestes que “desconocen”.

Ultramarinos de Lucas ta formáu por un grupu de profesionales de les artes escéniques formaos n’escueles como les de Jacques Lecoq (París), el Teatru de l’Abadía, la Escuela de Movimientu de Marta Schinca o María del Mar Navarro, en Madrid.

Tamién te podria gustar