Últimos díes pa participar na maratón de microrrellatos de Trabe

Ediciones Trabe tien abierta la so “maratón de microrrellatos” al traviés de facebook o del blogue (http://edicionestrabe.blogspot.com/). Los escritos, sobre la crisis económica qu’apodera’l mundu d’anguaño y les posibles maneres de dexala p’atrás, nun han tener más de 250 caracteres y han dir firmaos col nome y apellíos de quien escribe y acompañaos de un corréu lletrónicu y un númberu de teléfonu onde poder contactar.

El plazu p’apurrir de manera telemática (en facebook o nel blogue de Trabe) los orixinales entama acaba a les 24:00 hores del día 29 de febreru de 2012. Ediciones Trabe acuta’l derechu de seleccionar los relatos que más-y presten y editar con ellos un llibru comunal y plural, en formatu dixital, que va quedar colgáu na so páxina web.

Asina mesmo, Ediciones Trabe acuta’l derechu a decidir el PVP del ebook, xenerador de derechos d’autoría.

Perfil de Trabe en Facebook