Últimos díes d’homenaxe al Pueblu Mineru na Selmana Cultural de Cangas

17 marzu 05:33 2011 Imprimir

La décima edición de la Selmana Cultural de Cangas va llegando a la so fin dempués de dellos díes d’actividaes. Esti xueves 17, va dase llectura a la conferencia “La minería na historia ya na identidá d’Asturies”, a cargu de Francisco Erice, de la Facultá d’Hestoria de la Universidá d’Uviéu. Sedrá a les siete y media la tarde nel Auditoriu Casa Cultura “Palaciu d’Oumaña”.

El vienres, a les ocho y media el grupu Teatru Kumen lleva a la “vil.la” la obra de teatru “Derrabe” a partir de les ocho y media, nel Teatru Toreno.

El sábadu rematen les actividaes cola entrega de premios de los concursos de manualidaes y poesía, y charra-coloquiu “Lliteratura y minería”, cola presencia de Benigno Delmiro Coto y Alejandro Gallo, moderamdp Amalia Fernández Menéndez, profesora de lliteratura del IES Cangas del Narcea. L’actu va facese tamién nel Auditoriu de la Casa Cultura “Palaciu d’Oumaña”, de magar les siete y media la tarde.

Amás, hasta’l 31 de marzu, va siguir abierta la esposición de la X Selmana Cultural de Cangas “Pueblu Mineru”, nel mesmu edificiu.

  Categories:
Loading Facebook Comments ...