Últimes selmanes pa presentase al concursu de cómic Alfonso Iglesias

El IV premiu de cómic Alfonso Iglesias acaba’l plazu pa presentar orixinales el 15 de setiembre.El concursu ta abiertu a obres escrites en llingua asturiana con una estensión mínima de 50 páxines. La obra presentada va poder entender el desenvolvimientu d’una hestoria única o un conxuntu d’hestories (rellacionaes o non ente sí).

Les obres han presentase nun formatu non inferior al A4 y non superior al A3. Presentaránse les obres en 2 sobres zarraos onde se va escribir Premiu “Alfonso Iglesias”, de lliteratura comic, el títulu de la obra y el nomatu del autor.

La Conseyería de Cultura y Turismu reserva’l derechu d’espublizar n’esclusiva la primer edición de la obra premiada, entendiendo retribuyíos col premiu los derechos del autor por esa primer edición.