Portada Educación Últimes places pal campus infantil y xuvenil “Branu con arte” de la Factoría Cultural

Últimes places pal campus infantil y xuvenil “Branu con arte” de la Factoría Cultural

by redacción asturnews

La conceyalía de Cultura d’Avilés vieno acabante de facer anuncia de les últimes places pal campus infantil y xuvenil “Branu con arte” de la Factoría Cultural, que va tener llugar del 10 al 21 d’agostu.

Nel tramu de 5 a 9 años queden tan solo 4, dientro d’un total de 24; nel de 10 a 14 años la disponibilidad de matrícula ye más amplia. Los más mayores, de 15 a 18 años, pueden esfrutar d’un taller de dibuxu del más altu nivel, y de creación audiovisual y cerámica al traviés del usu responsable les redes nel taller de “Tik-tornu”. El preciu de la inscripción ye de 40 euros, ya inclúi tolos materiales que se van utilizar mientres el cursu.

Entá ye posible la inscripción para la tercera y última riola del campus infantil y xuvenil “Branu con arte 2020”, qu’entama la conceyalía de Cultura d’Avilés al traviés de la Factoría Cultural, y va tener llugar del 10 al 21 d’agostu.

Queden les últimes places disponibles d’una propuesta qu’ufierta a les neñes, neños y adolescentes de la ciudá la posibilidá d’esfrutar unes vacaciones distintes, actives y risonderes, mientres s’averen a la creación artística nes más variaes disciplines.

Son tan solo 4 les places inda llibres nel tramu infantil (de 5 a 9 años), qu’algamó’l llenu absolutu nes dos rioles anteriores (de 24 caúna), la terminada’l pasáu vienres y la qu’empezó ayeri llunes. Nel tramu de los preadolescentes (de 10 a 14 años) la disponibilidad ye entá mayor. Na primer riola completáronse, y na segunda tan solo quedaron 8 de les 24 por cubrir.

Dende la Factoría animen tamién a los más mayores, a los adolescentes de 15 a 18 años, a participar nes propuestes destinaes a la so edá, con 10 places disponibles. Van Esfrutar d’un taller de dibuxu del más altu nivel, según del “Tik-tornu”, una actividá que combina ámbitos como l’audiovisual (creación de vídeos) y la cerámica, mientres aprienden a xestionar d’una forma responsable les sos redes sociales.

El campus, en toles edaes, incentiva la práctica, la esperimentación, y favorez la promoción, l’alcuentru y el fomentu de la creación artística activa, ente l’alumnáu (aprendices) y les y los destacaos profesionales del arte plástico, cerámicu o musical, qu’exercen como maestres y maestros, en disciplines que van de la pintura a la cerámica, de la música y el grabáu, a la técnica audiovisual del stop-motion.

Esta propuesta cultural va tener llugar peles mañanes, de llunes a vienres, y certifica el compromisu del Conceyu d’Avilés por ufiertar a les families con menores al so cargu una actividá que facilite la conciliación de la vida personal, llaboral y familiar. La edá mínima y máxima tendrá de tar cumplida na fecha en que s’empecipie l’actividá.

El plazu d’inscripción va permanecer abiertu hasta dos díes arteros antes del entamu de la vez. Podrá formalizase de forma telemática, al traviés de la See Electrónica de la web municipal d’Avilés, na dirección https://sedeelectronica.aviles.es/Convocatories. Y tamién de forma presencial, nos SAC de la Casa Consistorial y de El Focu, en Villalegre, con cita previa y n’horariu de 8.30 a 13.00 hores.

El preciu de l’actividá ye de 40 euros, nel que s’inclúin los materiales que van utilizar mientres esfruten y aprienden. Ye necesariu vistir ropa cómodo, mandilones o camisetes que puedan emporcase ensin problemes. Amás, cada asistente va tener la posibilidá d’apuntase a un máximu de dos quincenes. va desenvolver nes instalaciones de la Factoría Cultural d’Avilés, na avenida de Portugal, 13.

Más información

Tamién te podria gustar