MúsicaPlástiques Última selmana pa visitar la esposición “125 años de la Banda de Música d’Avilés” by redacción asturnews 13 de xineru, 2016 written by redacción asturnews 13 de xineru, 2016 41 Hasta’l 17 de xineru na sala d’esposiciones temporales “Antigua Escuela de Cerámica” del Muséu de la Hestoria Urbana d’Avilés pue vese la esposición “Banda de Música d’Avilés: 125 aniversariu (1890-2015)”. Compuesta por ocho paneles, fotografíes y pieces inédites, ente elles diarios d’actuaciones, partitures manuscrites, uniformes y una trompeta de 1910, tres la so estancia nel MHUA itinerará pelos centros educativos de la villa. La esposición “Banda de Música d’Avilés: 125 aniversariu (1890-2015)” puede visitase hasta’l próximu domingu 17 de xineru nel Muséu de la Hestoria Urbana d’Avilés, tres casi tres meses espuesta al públicu. Foi inaugurada pola concejala de Cultura del Conceyu d’Avilés, Yolanda Alonso’l pasáu 22 d’ochobre, día en que se cumplíen esactamente 125 años de la formación de la Banda. L’horariu de visites ye l’habitual del muséu (martes a sábados de 10.30 a 13 hores y de 16 a 20 hores; domingos y festivos de 11 a 13.30 hores) y con accesu llibre y gratuitu. Un 22 d’ochobre, pero de 1890 un grupu d’avilesinos aficionaos a la música, decidió crear la Banda de Música d’Avilés. L’actual directiva de dicha institución, tres un llargu trabayu d’investigación entamó en collaboración col Muséu de la Hestoria Urbana d’Avilés una esposición p’amosar a los visitantes el pasáu, el presente y el futuru d’esta institución. La esposición fórmenla ocho paneles que recueyen esti sieglu llargu d’hestoria, más un gran númberu de fotografíes apurríes polos fondos de la banda, los sos músicos y familiares, xunta pieces inédites como diarios d’actuaciones, partitures manuscrites, uniformes o hasta una trompeta que data de 1910. Como n’anteriores producciones del MHUA, esta amuesa tien va percorrer los centros educativos avilesinos pa espublizar la hestoria y vida d’esta banda de música. Un programa d’actividaes pa los más nuevos que va ser arriquecíu pola mesma agrupación musical que va realizar pequenes actuaciones nos centros escolares nos que s’esiba la esposición. 0 FacebookTwitterPinterestEmail Anterior Jazz nel Centru Xixón: Masa Kamaguchi siguiente Uviéu impulsa’l programa YUZZ pa dar voz a los mozos entamadores Tamién te podria gustar Semando Son amuesa’l nuevu folk asturiano El Trasiegu Fest va tener un mercáu con... Tatxers, Skabidean y la nueva escena musical Navarra... Algaire repite l’éxitu del 2022 en Lorient La Banda Gaites de Castrillón ufrió’l so repertoriu... Fitoria torna nueve años depués a brillar en... La Delegación asturiana en Lorient protagoniza la xornada... Jaime Álvarez gana’l 36 Troféu Mac Crimmon de... Entamó en Lorient el 52 Festival Interceltique 4200 firmes sofiten la música n’asturianu en XIxón