Ubuntu ufrese por fin dafechu n’asturianu

10 mayu 10:19 2010 Imprimir

La versión 10.04 d’Ubuntu vieno acabante asoleyase y failo per primera vegada dafechamente en llingua asturiana. Nesta nueva versión de la nomada distribución de Linux ya vienen inxeríes meyores importantes como la versión completa d’Open Office.

Les novedaes más descataes d’esta nueva versión son les que vienen darréu:

* Ye una LTS (sofitu llargu). * Nuevu tema gráficu. * Arranque mui rápidu. * Ubuntu One Music Store: Onde poder mercar música. * Enfocáu nes redes sociales: Memenu, Gwibber. * Nuevos programes preinstalaos: SimpleScan (pa escanear), Pitivi (edición de videu), Gbrainy (xuegu de intelixencia). * 100% N’asturianu (incluyía OpenOffice).

Ubuntu ufre agora un nuevu tema gráficu ya iconos, que sustituyen al amarronáu Human, colos colores principales naranxa y berenxena, algamando un de los temes más guapos fasta agora. Y tamién hai un nuevu menú d’estáu del usuariu que tien como oxetivu integrar nel escritoriu Ubuntu les redes sociales qu’usemos (Twitter, Facebook, Identi.ca, etc.).

Y lo que ye más importante no que cinca a la llingua asturiana: meyoraes les tornes y completaos más dalgunos programes, incluyendo OpenOffice preinstalada n’asturianu.

Más información en Ta pa Ponga

  Categories:
Loading Facebook Comments ...