Tuenda estrena esta nueche discu nuevu nel Teatru Filarmónica d’Uviéu

03 xunetu 07:52 2008 Imprimir

Güei, a partir de les nueve la nueche, el Teatru Filarmónica d’Uviéu acueye la presentación-conciertu del grupu Tuenda, que va tocar los temes del so discu “Tuenda 2”. El llíder de la formación folk, Xosé Antón «Ambás», comentó que ta marcáu pola “continuidᔠna presentación fecha’l miércoles pasáu nos locales de la Sociedá Xeneral d’Autores.

El discu ta editáu por Tierra Producciones y lleva catorce cortes que duren un total de sesenta minutos. Tuenda ta formáu por Elías García, Pepín de Muñalén y Xosé Antón «Ambás», perconocíu pola música y sobremanera por presentar el programa “Camín de cantares”, na TPA, que popularizó ente’l gran públicu los sones de Tuenda.

  Categories:
Loading Facebook Comments ...